მნიშვნელობით განსხვავებულ და ბგერითი შემადგენლობით მეტად დაახლოებულ სიტყვათა წყვილებს პარონიმებს უწოდებენ.
პარონიმები ბგერობრივად ერთმანეთს ძალიან ჰგავს, შინაარსობრივად კი აბსოლუტურად განსხვავდება.
პარონიმებს მხოლოდ ერთი ან ორი ბგერა განასხვავებს და ხშირად ხდება მათი მნიშვნელობების აღრევა.
ქართულ ენაში პარონიმებია: ნოტი და ნოტა, აღქმა და აღთქმა, ცნება და მცნება, კამპანია და კომპანია, დივანი და მდივანი და სხვა...
მაგალითები:
1.
დიპლომატი - თანამდებობის პირი, რომელიც ეწევა დიპლომატიურ მოღვაწეობას.
დიპლომანტი - სტუდენტი, რომელიც ამზადებს სადიპლომო შრომას.
2.
აფექტი - ძლიერი განცდის გამოვლენა.
ეფექტი - ვინმეზე ძლიერი შთაბეჭდილების მოხდენის საშუალება.
3.
მოწამე - ვინც ეწამება საკუთარი სარწმუნოებისათვის, განიცდის დევნას, ტანჯვას და სწირავს თავს.
მოწმე - რაიმე შემთხვევის დამსწრე, მომსწრე, შემსწრე, მნახველი.


