|
შენს სურათს ახალ ქრისტეო ერს თაყვანს აცემინებენ, ვით პირველყოფილ კერპის წინ ყველას თავს ახრევინებენ.
სოფლებში არბენინებენ, ვინც არ გილოცავს, იმ ხალხსა ჩეკაში ათმენინებენ,
წირვაზე ასმენინებენ. თავად სახსნილოს მიირთმენ, სხვებს მარხვას აჭერინებენ,
მშრომელთ კი აქცერინებენ, შენი მიმდევნი, შენის თქმით ხალხს ერთურთს ათელინებენ,
მღებავებს აფერინებენ, შენის სახელის ჩუჩელას გრძელ სიტყვებს აბერინებენ.
უნდა სუყველამ გაიცნოს, მსოფლიო ისტორიაში იმანაც პრიზი აიღოს.
შრომის სახელი დაიდოს, უქნარა გამიბატონდეს, ჯუბეში ხელი ჩამიყოს,
თავისი თავი გაიძღოს, ჩემის პურით და ღვინითა დაბა-ატლასი ჩაიცოს.
დღეს ჭკუა უნდა მარიგოს, ლენინის გადმოცემული მარქსის კანონით მამიგოს! |


