|
დიდხანს ვსძებნე იდეალი, მაგრამ არსად მოინახა! დღეს ავაღე ყველას თვალი და ვიცინი: ხა, ხა, ხა, ხა!
თვალთ-მაქცობა ჩაისახა! რა იმედი! რის ნუგეში! მეცინება: ხა, ხა, ხა, ხა!
ჩვენში ბრძოლა განეზრახა, მაგრამ გადუბრუნდათ გული სასაცილოდ: ხა, ხა, ხა, ხა!
ცხოვრებით რა შეილახა, მტერს დაუწყო სამსახური და შესცინის: ხა, ხა, ხა, ხა!
დღეს თვით დაუღია ხახა, და უსაქმოდ ჰყლაპავს ბუზებს, მეცოდვება: ხა, ხა, ხა, ხა!
გამბედავად შეუძახა, დღეს ულოკავს ფერხთა მტვერსა და შესცინის: ხა, ხა, ხა, ხა!
ჩვენში ყველა არის გლახა; და რად ვსძებნოთ იდეალი? სჯობს, ვიცინოთ: ხა, ხა, ხა, ხა! |


