კატეგორიები

წერილის გაგზავნა

lock პაროლის შეხსენება
ჯერ არ ხართ რეგისტრირებული?
უკვე ხართ რეგისტრირებული?
210 C
ოთხშაბათი, 18 ნოემბერი 2026 22:59

 

ისე თოვდა, სულს ითხოვდა, საზენაოდ გახედნილს,

ბებერ ცაცხვთან დამახუჭე, დასამალად წახვედი...


დღეს, ბავშვობაამღერებულს ფიფქმა პირი მომბანა,

დღესაც, ისე მენატრება კუკუდამალობანა.


დიდხანს თოვდა, გადაგკარგეს ცერმტკაველა ფიფქებმა,

ბედი, ჩუმად, სადღაც, ზემოთ, ცის დოლაბში იფქვება...


უკვალავში დაგეძებდი, კვალიც ვერსად ვერ ვნახე,

დამემალე და სიბერეს ხელში შემოველახე.


კი არ მძინავს, ვიხუჭები და ძველ სიზმრებს მივკვალავ,

ვეღარც გიცნობ, დიდხანს თოვდა და ბავშვობამ იქალა...


ძლივსღა ვკონკავ დამზრალ სიტყვებს, ფიფქებივით სალექსოს,

ცაცხვსაც დაღლა შეტყობია, ქართან ვეღარ ალერსობს...


საზენაო სული დამაქვს, ხორცს დავათრევ სამიწეს,

ისევ თოვს და ვინ რა იცის, რა და როდის რა მიწევს...


დილით, სული ამიმღერდა, ქარმა დვრინით მომბანა...

ღმერთო, როგორ მომენატრა კუკუდამალობანა...

შეიძლება დაგაინტერესოთ

ოჩოპინტრე

გაგაგა



ფდფდფ

ოჩოპინდრე

₾
შეიძინეთ პაკეტი

მიიღეთ შეუზღუდავი წვდომა

ერთი კვირა
3 ლარი
ორი კვირა
5 ლარი
ერთ თვე
7 ლარი

დაამატეთ Aura.Ge

დააჭირეთ:   Share
აირჩიეთ:   Add to Home Screen