მთარგმნელი: ჯემალ აჯიაშვილი
|
რაზე ქვითინებს საღამეულ ბაღში ფრთოსანი, სმენას რად აკრთობს მოძახილი სევდა-კაეშნის? აღარ უგალობს ცრემლიანი - მისი შროშანი, არც სიყვარულის უჩვეულო ჰანგი ჩაესმის...
დაღლილ ოცნებებს განმიახლებს მწუხრის ბუნება და ვხედავ: მოდის უძლეველი ბინდის ღვთაება, - ჩემსკენ სიკვდილის დედოფალი მოეშურება.
ვინ იფიქრებდა - ჩაქრებოდა ჩაუქრობელი, მზის შარავანდი სიბნელეში განიმქრეოდა!
მოვა ჟამი და საწუთროულ ამაოებას ამაოების ღაღადისით დაგვიდასტურებს... |


