კატეგორიები

წერილის გაგზავნა

lock პაროლის შეხსენება
ჯერ არ ხართ რეგისტრირებული?
უკვე ხართ რეგისტრირებული?
210 C
ოთხშაბათი, 18 ნოემბერი 2026 12:16

 

ეს, მე ვარ, ქარში, დაბნეული

წარწერით - "აღარ..."

მამღერეთ, ეგებ, არ შემეტყოს

რწმენის სიფითრე,

უმისამართო ბარათების

ნაფლეთებს ვგავარ,

ერთხელ, ჩუმად, რომ დაწერეს

და გადაიფიქრეს.


მზის მონატრებაც გაყინული

თითებით ვწერე,

სანთლების შუქით თანდაყოლილ

ღამეს მივითრევ

და მოვიშორებ ქება-ქებით

აღმართულ ცერებს,

მამღერე, მერე, გადამთქვი

და გადამიფიქრე.


გავლახე მიწა და ღრუბელი 

ცრემლით გავბერე,

ცას, ხელაწვდილი, ვაკავებდი, 

ვიდრე დამეცა,

მერე, ტკივილი ვაღებინე,

მერე, რა - მერე,

"მოვითხოვ ღმერთს და დამიბრუნე

ღმერთი"... და ეს ცა..!


მამღერე, ვიცი, მისამართებს

მაინც არევენ,

თანდაყოლილი ხეტიალით

შეშლილ მგზავრების 

გამათრახებულ დედამიწის

ნაიარევებს

ჰგავს ჩემი გზები, დაცემაც,

და სახის ბზარებიც...


წასვლასაც, არაპოეტური, 

ახლავს სიფითრე,

წარწერით - "აღარ..." - იმღერებდა...

ვიდრე დაეცა,

ერთხელ, ჩუმად, რომ დაწერეს 

და გადაიფიქრეს..!

- "მოვითხოვ ღმერთს და დამიბრუნეთ

ღმერთი"... და ეს ცა..!

შეიძლება დაგაინტერესოთ

ოჩოპინტრე

გაგაგა



ფდფდფ

ოჩოპინდრე

₾
შეიძინეთ პაკეტი

მიიღეთ შეუზღუდავი წვდომა

ერთი კვირა
3 ლარი
ორი კვირა
5 ლარი
ერთ თვე
7 ლარი

დაამატეთ Aura.Ge

დააჭირეთ:   Share
აირჩიეთ:   Add to Home Screen