კატეგორიები

წერილის გაგზავნა

lock პაროლის შეხსენება
ჯერ არ ხართ რეგისტრირებული?
უკვე ხართ რეგისტრირებული?
210 C
ოთხშაბათი, 18 ნოემბერი 2026 12:55

 

1

 

მწარე ღიმილი გაანგრევს ტუჩებს,

როცა მარტვილის დიდი მინდვრები შედიან გაზაფხულში,

როგორც თეატრში

და შენს ძარღვებში მთვარესავით აენთება წითელი სისხლი.

 

2

 

აქაც უცხო ხარ,

აქაც ცივად ჟღარუნობს ქარი

და ვარსკვლავების ნაჩხვლეტები გაყრია ტანზე

მსუსხავი, როგორც კაქტუსის ტოტი.

 

3

 

შენ დიდხანს ეძებდი გამოქვაბულს,

სადაც შეგეძლო ნადირივით გეცხოვრა,

სადაც ყვითელი ბალახების დღესასწაულში

დაივიწყებდი, რომ არსებობს მკვდარი საღამო,

დაივიწყებდი, რომ არსებობს მკვდარი თვალები.

 

4

 

ეს მტვერი მიცვალებულთა სულივით შრიალებს ოთახში,

გარეთ კი გაზაფხული ყვირის,

მაგრამ არსად გაქვს წასასვლელი,

არსად ანთია მოწყალე შუქი,

არსად დატოვეს ღია კარები.

 

5

 

სანამ ცოხნი ამ მოგონილ ბედნიერებას,

თვინიერი ცხოველივით, სანამ უმზერ

ამ უსიცოცხლო დეკორაციას

 

6

 

შენს ყრუ კედლებზე მარტოობა ამოუტვიფრავთ

როგორც საგვარეულო ღერბი.

 

7

 

გაზაფხული კი შეშინებული ბავშვივით ყვირის

და გამწარებით შემორბის სახლში...

შეიძლება დაგაინტერესოთ

ოჩოპინტრე

გაგაგა



ფდფდფ

ოჩოპინდრე

₾
შეიძინეთ პაკეტი

მიიღეთ შეუზღუდავი წვდომა

ერთი კვირა
3 ლარი
ორი კვირა
5 ლარი
ერთ თვე
7 ლარი

დაამატეთ Aura.Ge

დააჭირეთ:   Share
აირჩიეთ:   Add to Home Screen