კატეგორიები

წერილის გაგზავნა

lock პაროლის შეხსენება
ჯერ არ ხართ რეგისტრირებული?
უკვე ხართ რეგისტრირებული?
210 C
ოთხშაბათი, 18 ნოემბერი 2026 16:14

 

1

 

რული მოგივა ქალაო

დაგეძინება მკლავზედა,

მძინარეს დაგესიზმრება

ვითომ, შენ ზიხარ ჯარზედა,


ტანს თეთრი კაბა გაცვია

ამოქარგული მკლავზედა,

გვერდს მეფე გიზის ლამაზი

მზე დასდგომია მხარზედა.


ვითომ ღვთის ანგელოზებიც

დაგტრიალებენ თავზედა,

გაგეღვიძება უეცრად

აე მაგ სანახავზედა -


რას ნახავ, ღმერთმა გაიგოს

ამ ბეჩავ ქვეყანაზედა.

 

2

 

რული მოგივა ქალაო

დაგეძინება მკლავზედა,

ქმარი გაიგებს თოფს დაგკრავს,

რაკი გასცვალე სხვაზედა,


ქალი და კაცი დაგძრახავს

ბრალს დაგდებს ქვეყანაზედა,

ერთ კვირას არ გიგლოვებენ

იქნებ არც მოვლენ მკვდარზედა,


სახელსაც არ დაგაწერენ

ცივი სამარის ქვაზედა.

 

3

 

რული მოგივა ქალაო

დაგეძინება მკლავზედა,

მოგივლენ ამბისმტყობარნი

საშინელ ზარის ხმაზედა,


გეტყვიან, ქმარი მოგიკლეს

აქ ასვენია კარზედა,

ლამის რო ჭკვიდან გადასცდე

ისე იგლოვებ ქმარზედა,


ხედავ რო ვიღაც გაღვიძებს

შეწუხებული ძალზედა,

რას ხედავ, ქმარია

ხელით ცრემლს გიშრობს თვალზედა.


თეთრი თმა-წვერით დაბერდით,

გამრავლდით ქვეყანაზედა.

 

პოეზიის გვერდი   • • •  პოეზია - გოდერძი ჩოხელი  • • •   გოდერძი ჩოხელის პოეზია

შეიძლება დაგაინტერესოთ

ოჩოპინტრე

გაგაგა



ფდფდფ

ოჩოპინდრე

₾
შეიძინეთ პაკეტი

მიიღეთ შეუზღუდავი წვდომა

ერთი კვირა
3 ლარი
ორი კვირა
5 ლარი
ერთ თვე
7 ლარი

დაამატეთ Aura.Ge

დააჭირეთ:   Share
აირჩიეთ:   Add to Home Screen