ცვენა დამჩემდა ბურდღლის

რაც ჩემ განწყობას ერთვის

ჩემი წელია კურდღლის

თან რა თქმა უნდა თეთრის.

ვერაფერს ვხედავ სამორცხვს

გასახსენებელს ამბად

წელსაც მივაღწევ სამოცს

ამ წელიწადში ალბათ.

აღარ გავუშვებ მომენტს

გამოსათქმელად სტროფის

და დავუბრუნებ პოეტს

რეპუტაციას ყოფილს.

ენაც სიმართლეს იტყვის

ცოლად მექცევა ნეკნი

და სადიდებლად სიტყვის

რამე დიდებულს შევქმნი.

არ შემიძლია არ თქმა

რომ შემიმოკლდა დღენი

ამერიკელის რა ვთქვა

ვერ გამიგია ჩვენი.

თუმც წავიწიეთ წინ და

პერიოდი გვაქვს ზღვრული

ევროპელობა გვინდა

მაგრამ არ გვყოფნის ფული.

გარდამავალი დროა

წამი წარსულთან შერთვის

გამოვლინების დროა

განსაკუთრებით ჩემთვის.