კატეგორიები

წერილის გაგზავნა

lock პაროლის შეხსენება
ჯერ არ ხართ რეგისტრირებული?
უკვე ხართ რეგისტრირებული?
210 C
ოთხშაბათი, 18 ნოემბერი 2026 12:16

 

ნურაფერს იტყვი,

თუ გკითხავენ ჩემზე - „ვინ იყო?“

წუხელის თოვდა,

ამ დილით კი ქარი ავშავობს,

რაცა ვარ, ეს ვარ,

ან ასეთი უნდა მიმიღო,

ანდა ხსოვნაში

ჩემი ყველა კვალი წაშალო.


ცრემლები დამდის,

თუ დამდნარი თოვლის წვეთები

ბრწყინავენ ღაწვზე,

გული ჩემი ისევ ზვარაკობს...

ნუ შემომხედავ,

თუ უეცრად შეგეფეთები,

ჩვენს სიყვარულზეც

სხვას არავის ელაპარაკო.


არც ყალბად ვმორცხვობ,

არც ზედმეტად რაიმეს ვჩემობ,

თაფლის ერთ წვეთთან

შხამის ათი თასი დავცალე,

ვინ შეგიფასებს

იმ წარსულის შნოსა და გემოს,

მხოლოდ ქილიკით გაგქირდავენ,

შენ გენაცვალე.


მალე ამ ატმებს

გაზაფხული ვარდისფრად გაშლის,

ჩაივლის ზამთრის სიცივე და

დავიდარაბა,

ჩამკიდე ხელი,

ერთხელ მაინც ავფრინდეთ ცაში,

ავფრინდეთ ცაში,

მერე რა, რომ ფრთები არა გვაქვს.

 

პოეზიის გვერდი   • • •  პოეზია - მანანა ჩიტიშვილი  • • •   მანანა ჩიტიშვილის პოეზია

შეიძლება დაგაინტერესოთ

ოჩოპინტრე

გაგაგა



ფდფდფ

ოჩოპინდრე

₾
შეიძინეთ პაკეტი

მიიღეთ შეუზღუდავი წვდომა

ერთი კვირა
3 ლარი
ორი კვირა
5 ლარი
ერთ თვე
7 ლარი

დაამატეთ Aura.Ge

დააჭირეთ:   Share
აირჩიეთ:   Add to Home Screen