"სხვა ხალხის ისმის აქ ჟრიამული..."
გალაკტიონი
"რუსთველის პროსპექტზე სიარული ნუ მომიშალოს ღმერთმა..."
ლადო
"ახლა თბილისში გამარონია..."
მუხრანი
|
სხვა ხალხის უცხო ჟრიამული და სხვა დრო - ქაოსის სხვა ჰარმონია, აღარც - პროსპექტზე სიარული და აღარც - თბილისში გამარონია...
რუსთველს არ ჯერდებიან, შემოვრჩი აწმყოს როგორც ნაცემი... ლაღიძის წყლებთან არ ჩერდებიან დარბაისელი ლექსის კაცები...
მე რა მგონია, სიმწრისგან ლამის მუხლზე დავეცე... ... ეეეჰ, იმ თბილისში გამარონია, ამ თბილისში რომ თბილისს დავეძებ!.. |


