|
ძველად ამ ნაწილს ქალაქისას ერქვა ისანი. ჯალალ-ედინი აქა სთხოვდა რუსუდანს ხელსა, აქ უგზავნიდა თვალმარგალიტს აურაცხელსა, აქ გურჯისტანზე რამლს ისროდა სპარსი მისანი.
მაგრამ ქვეშ მტკვარი თუ გაჰყინავს ტალღას ფიცხელსა: მყის მეტეხიდან სისხლს აწვდიან ნორჩსა და ცხელსა და სოღანლუხში მიდის მტკვარი ოქროისანი.
ალეწინებდნენ ზუჩ-მუზარადს, ჩაჩქან-აბჯარსა, მაგრამ ვცოცხლობდით მოყვარულნი დროთ ტრიალისა.
და წყევლა იმას, ვინც მაღრიბის ველურ ყაჩაღებს გაუღო კარი თერგდალეულ დარიალისა. |


