დანიშნულების მიხედვით აფიქსები ორგვარია: მ ი მ ო ს ა ხ რ ე ლ ი და წ ა რ მ ო ს ა ქ მ ნ ე ლ ი.
მიმოსახრელია აფიქსი, რომელიც სიტყვას ფორმას უცვლის. მნიშვნელობა კი უცვლელი რჩება. მაგალითად, ერთი სიტყვის ფორმებია: ქუდ-ი, ქუდ-მა, ქუდ-ს. ქუდ-ის, ქუდ-ით, ქუდ-ად, ქუდ-ო. აქ ერთი სიტყვის შვიდი სხვადასხვა ფორმა გვაქვს და ყველა ერთსა და იმავე საგანს აღნიშნავს.
ქ უ დ ფუძეა, ი, მა, ს. ის, ით, ად, ო მიმოსახრელი ანუ სიტყვის ფორმის მცვლელი სუფიქსებია.
წარმომქმნელია აფიქსი, რომელიც სხვა მნიშვნელობის სიტყვას აწარმოებს. მაგალითად, ქ უ დ სიტყვისაგან წარმოქმნილი სიტყვებია: ქუდიანი, ქუდოსანი, უქუდო. მექუდე, საქუდე.
იან და ოსან სუფიქსები, უ-ო, მე-ე და სა-ე პრეფიქს-სუფიქსების წარმომქმნელი აფიქსებია.
სავარჯიშო. წაიკითხეთ მაგალითები და გამოარკვიეთ, რომელი აფიქსებია მიმოსახრელი და რომელი - წარმომქმნელი.
1. კაც-ი, კაც-ურ-ი, კაც-ობა, უ-კაც-ო.
2. ამხანაგ-ი, ამხანაგ-მა, ამხანაგ-ურ-ი, ამხანაგ-ობა, ამხანაგ-ო.
3. კუდ-ი, კუდ-იან-ი, უ-კუდ-ო, კუდ-ს.
4. ყურ-ი, ყურ-იან-ი, უ-ყურ-ო, სა-ყურ-ე, ყურ-ება, ყურ-მა, ყურ-ით.


