კატეგორიები

წერილის გაგზავნა

lock პაროლის შეხსენება
ჯერ არ ხართ რეგისტრირებული?
უკვე ხართ რეგისტრირებული?
210 C
ხუთშაბათი, 19 ნოემბერი 2026 07:07

 

(ვუძღვნი ეკ. გაბაშვილს)

 

შუქი არ მოსჩანს ქოხიდან, 

და არც ანთია სანთელი, 

დიდი ხანია რაც კერა 

მტრისგან ნაოხარ-ნათელი


მიმქრალა, მისი ნაცარი 

ქარს მიაქვს, წარამარადა, 

და ჩალა-ბულა ქოხისა 

გადადის მთა და ბარადა!


შუქი არ მოსჩანს ქოხიდან 

მაგრამ ცა მოწმენდილია, 

მთვარე იალბუზს უცინის 

ქოხი კი დაღვრემილია.


ჩუ! წამოჰქროლა ნიავმა 

გულს თუ მოუტანს ლხენასა, 

არა ის ქოხის დირეზე 

ეჩურჩულება დედასა;


ჰკითხავს: მაგ ტურფა ჩანგზედა 

მწარედ რათ თრთიან სიმები, 

ძაძა რას მოგიხვევია,

რა უყავ შენი შვილები?


ნიავო, ჩემო ნიავო, 

თქვენც ჩემო ჩანგის სიმებო, 

თქვენც გმირნო, ვაჟკაცურადა 

ბრძოლაში დახოცილებო,


ნუ გიკვირთ დედას თუ გული 

ცრემლებით აუჩუყდება,

ნუ გიკვირთ დედას თუ თრთოლით 

ჩანგს ხელი აუცურდება!


ნიავო, ჩემო ნიავო, 

დაბადებულო მთაზედა - 

მეცა მაქვს ჩემი სამშობლო 

მან გამომზარდა მკლავზედა!


იმას უმღერდი პატარა,

ჭაღარა გამომერია 

და აჰა, ჰხედავ ნაოხარს 

მის ადგილს ახლა მტვერია!


გრიგალმა დაჰკრა მტრისამა 

თავს რისხვით გადაუარა 

და მრავალ ჭირ-ნახულევი 

ხელ ახლა დაასუდარა!


ნიავო, ჩემო ნიავო, 

ჩემ ფიქრთა თანაზიარო,

ნუ თუ თვით კუბოს კარამდე 

სულ ასე უნდა ვიარო?


ერთხელ ვერ ვნახო ღიმილი 

ტურფა მაისის ვარდზედა, 

ვერ ვნახო მისი მოლხენა 

ვისაც უმღერდი ჩანგზედა!


ეჰ, ლაღო, თავისუფალო, 

ყინულიანო მთის შვილო 

ხან ალაზანო შიკრიკო, 

ხან კი რიონის სიცილო;


ნეტა იცოდეთ, როდესაც 

მათ ტალღებს თავზე ევლები 

რამდენმა გმირმა წაიღო

ბორკილიანი ხელები!


და რა მშთენია, ჭაღარას

თუ არ ვაკვნესო სიმები, 

თუ არ ვიტირო დედამა

ნაოხარ ქოხის შვილები.


დავკრავ, დავძახებ იმასვე,

რაც იყო გულის ღონება:

ვაი, რა ძნელი ყოფილა 

მონის ბედი და ცხოვრება!


თმა შემიღება ჭაღარამ

გული დარდმა და ნაღველმა,

სიმები გმირების სისხლმა

ხანჯლის წვრით ამონაღებმა!


და მასვე, ჩემო ნიავო, 

დავკრავ, დავმღერებ ჩანგზედა, 

ნუ თუ მოვკვდები ვერ ვნახავ 

ღიმილს მაისის ვარდზედა?

 

პოეზიის გვერდი   • • •   პოეზია - იროდიონ ევდოშვილი  • • •   იროდიონ ევდოშვილის პოეზია

შეიძლება დაგაინტერესოთ

ოჩოპინტრე

გაგაგა



ფდფდფ

ოჩოპინდრე

₾
შეიძინეთ პაკეტი

მიიღეთ შეუზღუდავი წვდომა

ერთი კვირა
3 ლარი
ორი კვირა
5 ლარი
ერთ თვე
7 ლარი

დაამატეთ Aura.Ge

დააჭირეთ:   Share
აირჩიეთ:   Add to Home Screen