ორნი წავიდნენ, ლილისფერი ზეცა ელავდა,
იცრიცებოდა ტყიანი სერი.
აშოლტილ ხესთან მიმავალი წყალი ღელავდა
ჩანჩქერიანი და ალმაცერი.
ორნი წავიდნენ, მზე ეძებეს, რომ განთიადი
ფარულ ქვეყნისთვის დაედგათ ჯიღად,
ეძებს ასე სიკვდილამდე და მოკვდნენ მშვიდად,
ვერ კი იხილეს იგი, დიადი.
არის ლეგენდა, შეებნენო ტალღებს ბურიანს,
ვარდისფერია თავდავიწყება.
იბრძვიან მარად, ბრძოლა მზისთვის მეკობრულია.
ლეგენდა ესე ცუდად იწყება,
იწყება ცუდად. დასასრული მეგობრულია.


