კატეგორიები

წერილის გაგზავნა

lock პაროლის შეხსენება
ჯერ არ ხართ რეგისტრირებული?
უკვე ხართ რეგისტრირებული?
210 C
ოთხშაბათი, 18 ნოემბერი 2026 17:36

 

არა,

არც ძველი ჩუმი წყენა,

და არც - ახალი,

არა,

არც ხსოვნის ცივი ფერფლის

სუსხი მთარსავი

(...ღამეა ძველი,

დამტვრეული,

ცამდე მაღალი,

და მტკივან მხარზე

მთვარე უზის

პეპელასავით)...


ცრის მხოლოდ ჩუმი სინანულის

მლაშე წვეთები

(დრო ისეც გვაცლის

გამოსაცლელს

სულს და არაქათს)...

თქვენ

თქვენს ერთადერთ

დაკარგულ გზას ისევ ნებდებით,

მეც,

დაკარგული გზების გარდა,

სხვა გზა არა მაქვს!


და სულერთია

ან ქირქილი,

ანუ ტაშები,

როცა სიზმრებში

მოწყენილი წლების რიგია...

როცა სრულდება ეს დრამა და

ეს თამაშები

და ასმეერთედ აგებ -

ასჯერ რაც წაგიგია!


როცა დაგცინის

შებინდების უხმო ხარხარი

და მწარედ გახსოვს

გახარებულ

მკერდის სავსავი

(...ღამეა ძველი,

დაძენძილი,

ცამდე მაღალი,

და მტკივან მხარზე

მთვარე უზის

პეპელასავით)...

შეიძლება დაგაინტერესოთ

ოჩოპინტრე

გაგაგა



ფდფდფ

ოჩოპინდრე

₾
შეიძინეთ პაკეტი

მიიღეთ შეუზღუდავი წვდომა

ერთი კვირა
3 ლარი
ორი კვირა
5 ლარი
ერთ თვე
7 ლარი

დაამატეთ Aura.Ge

დააჭირეთ:   Share
აირჩიეთ:   Add to Home Screen