კატეგორიები

წერილის გაგზავნა

lock პაროლის შეხსენება
ჯერ არ ხართ რეგისტრირებული?
უკვე ხართ რეგისტრირებული?
210 C
ოთხშაბათი, 18 ნოემბერი 2026 15:56

 

მე და ჩემი ტოლები,

დიდ-ხნის უნახავები,

ერთად ვსხედით სუფრაზედ,

ვცლიდით ჭიქას ჭიქაზედ.

გული გვქონდა ნათლითა,

ერთმან-ერთის ნახვითა.


ღვინით ისე გაბრუვდა,

მაშინ ყველა ჩვენგანი,

რომ მეტს ვეღარას იქდა,

პითიონის ზედგანი.

სადღა იყო ვარამი,

ან ჭირ-ბოროტი დღისა?

ძმური გრძნობა, სალამი,

ეცა, წაიღო ისა!


როცა ჩვენს სიხარულსა

არ ჰქონდა დასასრული,

მაშინ არ გავიგონეთ

სევდიანი ჟღურტული,

თურმე ჩვენს მასპინძელსა

ჰყოლებოდა ბულბული.


ჩვენ განვაგრძეთ ქეიფი,

ჩიტი კი უბედური

მოჰყვა მღერას და ჩვენცა

დაგვაგდებინა ყური.

ახ, რა საბრალო იყო

გალიაში ბულბული!

სხვისა რა მოგახსენოთ? -

მე კი მომიკვდა გული.


ჩვენ კარში გამოვედით,

ქუჩები გუგუნებდა,

და პატარა ჩიტუნა,

იქავე ღუღუნებდა.

ნეტამც გამაგებინა

რაებსა ჰზუზუნებდა.


საბრალოა ბულბული,

გალიაში მღერალი,

აგრეთვე ხელ-შეკრული,

მოღვაწე და მწერალი.

მერე კიდევ, როდისღაც,

შეველ ძველ მასპინძლისას...

ყური დამიგდე შენცა,

გითხრობ დანახულისას.


არ ვიყავ მოლხენილი

ძველებრ მშვიდი სულითა,

არამედ მოწყენილი,

მგლოვიარე გულითა.

ჩამოვჯექ მცირე ხანსა,

თავი მივეც დუმილსა,

ჩიტი კიდევ იმ ხანად

აჰყვა მღერის სურვილსა.


ის ჰგალობდა, და მე კი

ვუსმენდი მთრთოლავ ხმასა,

და დიდხანს ყურს ვუგდებდი,

იმ ჩემს პატარას ძმასა.

მაგრამ მის ხმა იმ დროსა

მის ყოფნას არა ჰხამდა, -

მანამ სამწუხაროსა,

უზრუნველს უფრო ჰგავდა!


დარდი გამიორკეცდა,

კიდეც ვუსაყვედურე,

სამღერალი რა ჰქონდა?

ძალიან დავემდურე.

ღმერთო! მიეც შნოება

ტყვეობაში მღერისა,

და შვების მოპოვება,

გრძნობა არაფერისა...


ჰჯობს დაეხშოს გონება,

თუ თავს ვერ გამოიხსნის,

თორემ თუ ერთი მიჰხვდა,

დარდით ყელს გამოიჭრის.

ცოდვა კია ბულბული,

გალიაში მღერალი,

აგრეთვე ხელ-შეკრული,

მოღვაწე და მწერალი.

შეიძლება დაგაინტერესოთ

ოჩოპინტრე

გაგაგა



ფდფდფ

ოჩოპინდრე

₾
შეიძინეთ პაკეტი

მიიღეთ შეუზღუდავი წვდომა

ერთი კვირა
3 ლარი
ორი კვირა
5 ლარი
ერთ თვე
7 ლარი

დაამატეთ Aura.Ge

დააჭირეთ:   Share
აირჩიეთ:   Add to Home Screen