კატეგორიები

წერილის გაგზავნა

lock პაროლის შეხსენება
ჯერ არ ხართ რეგისტრირებული?
უკვე ხართ რეგისტრირებული?
210 C
ხუთშაბათი, 19 ნოემბერი 2026 20:23

 

გზამ და სიშორემ ვეღარ გაგვყარა,

უკრაინაშიც ვნახე მოყვრები -

სკოლა... სკოლის წინ თეთრი არყნარი,

აქამდე გულის ძახილს მოვყევი.


აქ ნაპერწკლები ფიქრმა დაჰყარა,

ვეღარ შევიძელ გვერდის ახვევა...

აი, იმ გოგოს, თვალებმაყვალას,

თურმე მაყვალა ჰქვია სახელად.


...და ვამბობ ჩემთვის: - აქვე დავრჩები,

თითქოს შენი ხმა გულში შეირხა,

ლაღი სიცილი მესმის ბავშვების, -

დავით... უშვილოდ არ დარჩენილხარ.


აქ მზეს სინათლე გადმოუღვრია,

მზე ხომ ისედაც ენთო მიწაზე...

მოვედი ქართვლის მკვიდრი გულღია

და ეს ალალი ძმობა ვიწამე.


ეს მირგოროდის ზეცაც მწველია,

აქ დარჩენილხარ სამუდამოდა...

გურამიშვილო, მომაქვს წერილი,

გამომატანეს საგურამოდან.


აქ არის ახლა შენი სავანე,

თელა გდარაჯობს გულაჩქროლებით...

აფეთქებულან იასამნები,

მზეს უღიმიან ყაყაჩოები.


...ბედნიერ წუთებს ლხენით დავითვლი,

მოველ, ბავშვები ვარდებს მესვრიან. -

უკრაინაში ცოცხლობს დავითი,

საქართველოში ცოცხლობს ლესია.

შეიძლება დაგაინტერესოთ

ოჩოპინტრე

გაგაგა



ფდფდფ

ოჩოპინდრე

₾
შეიძინეთ პაკეტი

მიიღეთ შეუზღუდავი წვდომა

ერთი კვირა
3 ლარი
ორი კვირა
5 ლარი
ერთ თვე
7 ლარი

დაამატეთ Aura.Ge

დააჭირეთ:   Share
აირჩიეთ:   Add to Home Screen