კატეგორიები

წერილის გაგზავნა

lock პაროლის შეხსენება
ჯერ არ ხართ რეგისტრირებული?
უკვე ხართ რეგისტრირებული?
210 C
ოთხშაბათი, 18 ნოემბერი 2026 16:03

 

მე მსურს ვილხინო გიჟური ლხინით,

განუსაზღვრელად მსურს მე ვილხინო,

დავითვრე ვნებით, დავითვრე ჟინით,

და ისე მოვკვდე, არ მოვიწყინო!


მთელი სიცოცხლე ვტიროდი მწარედ,

ვტიროდი მწარეთ და თან ვგალობდი,

ცხოვრების შვილი, ცხოვრების გარეთ,

მშიერ - მწყურვალი დავწანწალობდი.


ბევრჯერ დავრეკე მეგობართ ზარი,

ნაცნობ კარებთან ხშირად ვდრტვინავდი,

ყველგან მესმოდა: "შინ აღარ არი", -

რადგან ხედავდენ, არა ვბრწყინავდი.


შხამით და გესლით ვიყავ აღსავსე,

უდროვოთ საფლავს მითხრიდა ბედი,

მაგრამ მე მაინც მტრების წინაშე,

არ მომიხრია ამაყი ქედი.


ხელთ მეპყრა ჩანგი სიყვარულისა, -

სიყვარულს მღერდა ჩემი ნაღარა,

მე - კი არავინ არ შემითვისა,

მე - კი არავინ არ შემიყვარა!


დავდნი, დავიწვი, როგორც სანთელი,

მეწვია ჭმუნვა, უიმედობა

და დამრჩა მხოლოდ უკანასკნელი:

ბრძოლა, სიგიჟე და თავხედობა!


და ჰა, დავაშრე ცრემლისა წყარო,

გამოვეთხოვე მეგობართ კარებს

და გადავწყვიტე: არ შევიყვარო,

ვიდრე არავინ არ შემიყვარებს.


რისთვის დავიწვე, რად დავიცალო,

რომ სიჭაბუკე სულს განმიალებს?

მე გადავწყვიტე: მარად ვიმთვრალო,

ვიდრე სიკვდილი გამატიალებს!


მე მსურს ვილხინო გიჟური ლხინით,

განუსაზღვრელათ მსურს მე ვილხინო,

დავითვრე ვნებით, დავითვრვე ჟინით,

და ისე მოვკვდე, არ მოვიწყინო!

შეიძლება დაგაინტერესოთ

ოჩოპინტრე

გაგაგა



ფდფდფ

ოჩოპინდრე

₾
შეიძინეთ პაკეტი

მიიღეთ შეუზღუდავი წვდომა

ერთი კვირა
3 ლარი
ორი კვირა
5 ლარი
ერთ თვე
7 ლარი

დაამატეთ Aura.Ge

დააჭირეთ:   Share
აირჩიეთ:   Add to Home Screen