კატეგორიები

წერილის გაგზავნა

lock პაროლის შეხსენება
ჯერ არ ხართ რეგისტრირებული?
უკვე ხართ რეგისტრირებული?
210 C
ხუთშაბათი, 19 ნოემბერი 2026 00:29

 

სამშობლოს მთებო, ოდეს თქვენს ზემოთ 

შავი ღრუბლები გადაივლიან, 

როს მზერას უნდა სხივი ეძებოს 

გამიცოცხლდება თვალწინ ილია.


„მარად და ყველგან, მარად და ყველგან“... 

თერგის, არაგვის ზვირთთა დინებას 

მგონია, მისი სულ მოყვება 

შეუჩერებლად, დაუძინებლდ.


მკაცრი, ფხიზელი ზარით გვაღვიძებს 

თუ გზა ბნელისკენ გადაექანა... 

ჩაუკიდია ხელი აღვირზე, 

ნათელში გაჰყავს თავის ქვეყანა.


არაფრად უჩანს სუსხი და ხვატი, 

გული კლდევდება, სული სალდება. 

მიარღვევს წყვდიადს... მაგრამ ეს ხატი 

მეტია, ვიდრე გამოცხადება.


მან უკვე იცის - უცდის იუდა

სისხლი შადრევნად ამჩქეფარებას,

მან იცის, ზრახვა თუ გაღვთიურდა

ბოროტის ხელი ვერ ეკარება.


იცის, რომ შუბლზე მარტოდენ ეკლის,

მტკივნეულ ეკლის გვირგვინს დავხურავთ 

რომ ეს იქნება იმ საქმის ძეგლი,

რაც სიცოცხლეში ვერ განასრულა.


და დგას ლულზე შუბლმიშვერილი, 

რაკი დღეს მამულს ასე ჭირდება..

ხოლო ხვალ ერი, თვალახელილი,

ამ ძეგლთან ფიცით შეკავშირდება.


რომ შეაგებოს მზერა ფხიზელი 

დამბანგველ ძილსა და იდილიას -

ნუგეშად, შვებად და წინამძღოლად 

სამშობლოს გზებზე მოდის ილია!


პოეზიის გვერდი   • • •   პოეზიის გვერდი - გივი გეგეჭკორი  • • •   გივი გეგეჭკორი პოეზია

შეიძლება დაგაინტერესოთ

ოჩოპინტრე

გაგაგა



ფდფდფ

ოჩოპინდრე

₾
შეიძინეთ პაკეტი

მიიღეთ შეუზღუდავი წვდომა

ერთი კვირა
3 ლარი
ორი კვირა
5 ლარი
ერთ თვე
7 ლარი

დაამატეთ Aura.Ge

დააჭირეთ:   Share
აირჩიეთ:   Add to Home Screen