კატეგორიები

წერილის გაგზავნა

lock პაროლის შეხსენება
ჯერ არ ხართ რეგისტრირებული?
უკვე ხართ რეგისტრირებული?
210 C
ხუთშაბათი, 19 ნოემბერი 2026 00:10


ვინ არის-მეთქი, ვინ არის,

რომ შემოგყურებს სარკეში, 

აქამდე ნუთუ ვერ მიხვდი,

ნუთუ იმისთვის იცოცხლე,

რომ ეს მოხუცი გენახა,

ეს ნაღვლიანი რელიქტი.


ეს უღიმღამო მელოტი,

რომ უთიმთიმებს მუცელი 

და დადის თავმოდრეკილი,

ქუჩაში გზას რომ მიიკვლევს 

და ხელში ჩანთა უჭირავს 

ატატებული ლეკვივით.


რომ მომკვდარიყავი აქამდე,

ამ მოხუცს ვეღარ ნახავდი, 

რომ სცივა შალის წინდებში

და ბანდეროლზე გამდნარი 

ლუქით რომ ხელი ესვრება 

და აღარ ახსოვს ინდექსი.


ვერ იცხოვრებდი ამ კაცის 

ფუსფუსით, ტკბილში ცხოვრება 

ნაღველს ვერ აგილესავდა,

დღეს, როცა დაქსაქსულია

დელტა და ბოლოს მდინარე 

უახლოვდება შესართავს.


ვინ არის-მეთქი, ვინ არის,

რომ შემოგყურებს სარკიდან, 

ნუთუ აქამდე ვერ მიხვდი,

ნუთუ იმიტომ იცოცხლე,

რომ ეს მოხუცი გენახა,

ეს ნაღვლიანი რელიქტი.


ცხოვრების აურზაურში

შეღამება და სიბერე

მოულოდნელად მოვიდა,

სიტყვის ხაფანგში გაბმულმა 

დასკვნა ვერ გამოიტანე 

წყვდიადის სიახლოვიდან.


ცხოვრება მაინც ტკბილია,

მიმზიდველია ცხოვრების

გაშიშვლებული დეკოლტე,

მაინც ტკბილია უთოთი

აორთქლებული ზეწარი,

ნაღველს რომც დაუმეგობრდე.


მაინც ტკბილია, უმძიმეს

ტვირთად რომც გექცეს სხეული 

ჭრიალი იატაკისა,

რა ვუყოთ, თუკი გახუნდი

და ჭიქას ხელს თუ აფარებ, 

სასმელი რომ არ დაგისხან...


ნუ იტყვი სოფლის სამდურავს, 

თუ ერთხელ მაინც სინათლემ 

თვალებში შემოგაშუქა,

ნაჩუქარია სიცოცხლე,

არ ესინჯება კბილები

ცხენს ნაბოძებს და ნაჩუქარს!..


პოეზიის გვერდი   • • •   პოეზიის გვერდი - გივი გეგეჭკორი  • • •   გივი გეგეჭკორი პოეზია

შეიძლება დაგაინტერესოთ

ოჩოპინტრე

გაგაგა



ფდფდფ

ოჩოპინდრე

₾
შეიძინეთ პაკეტი

მიიღეთ შეუზღუდავი წვდომა

ერთი კვირა
3 ლარი
ორი კვირა
5 ლარი
ერთ თვე
7 ლარი

დაამატეთ Aura.Ge

დააჭირეთ:   Share
აირჩიეთ:   Add to Home Screen