|
მკვეთრი, ნათელი და შორი გრძნობიერია ზმანება, ეს მზე-ჩუქურთმა, ეს სწორი ხაზების ახმოვანება!
ოცნებას ცისფერ რამეზე: ნანგრევზე არის გაშლილი დიდება და სილამაზე.
ქვის ცივი, რუხი გაგება, ადვილად არის სათლელი და თბილად - დაქანდაკება.
ნიშნები, ჩემთვის ნათელი - გაცოცხლებული ქვის გული ჟღერს, როგორც კორიანტელი.
ქვა კი არ არის - სიმია. გარდასულ საუკუნეებს ეტყვი: ეს თქვენი ღიმია.
მებრძოლი, ბევრჯერ მინახავს, ჩუქურთმის ნატეხს საყვარელს - ომის დროს უბით ინახავს. |


