კატეგორიები

წერილის გაგზავნა

lock პაროლის შეხსენება
ჯერ არ ხართ რეგისტრირებული?
უკვე ხართ რეგისტრირებული?
210 C
ხუთშაბათი, 19 ნოემბერი 2026 03:13

 

 

მე თვალს დავხუჭავ... და ჩემს წინაშე

აიმართება რუსთველის ლანდი:

შემოდის იგი მგოსნის ბინაში

და თან შემოაქვს სითბო და ყანდი.


აი ჩამოჯდა ჩემს ტახტრევანზე

ჩაკეცილ ქუდით, ღიმილის კმევით,

თითქოს კედლები გასწიეს განზე,

თითქოს ეს ჭერი ავიდა ზევით.


ჩახრუხაის-ძე არ იყო მასთან,

არც შავთელს ვჭვრეტდი მის შერმადინად.

გაშალა წიგნი და რითმის დასტა

მარგალიტებად გადმოადინა.


კითხულობს... ლექსი მიჰყვება ლექსსა,

ვით კრიალოსანს მძივებზე მძივი,

მაგრამ როცა სთქვა: „სჯობს სიცოცხლესა“...

წიგნების ლოყა აინთო სხივით.


მის ხმაში სჩანდა რაღაც იდუმალ

უცნობი ძალის გამოძახილი:

ხან თითქოს ზარმა ხმა დაიდუმა,

ხან თითქოს ასხლტა, როგორც მახვილი.


თითქოს ხმა მოხვდა ტალღას აფრიანს,

თითქოს დაჭრილი ირემი მორბის. -

ო, მისი ლექსი ისე მძაფრია,

როგორც სურნელი გალეწილ ხორბლის.


მე იმის სახეს გულში ვატარებ,

მე იმის სიტყვებს ეხლაც ტყვედ ვყევარ

თამარ დედოფლის თითებს ვადარებ

სტრიქონში შებმულ რითმების ყევარს.


დიდხანს ვუმზერდი... იმის ტკბილ ხმაზე

ვიგრძენ სინორჩე, გარდვიქმენ სრულად.

მან გადაისვა თითები თმაზე

და გადმომხედა დარბაისლურად.


აღარ მესმოდა ხმა გამყივარი,

სიბრძნე, სიუხვე, ლექსის დინება,

ის დამყურებდა როგორც მყინვარი

და ჩემი ქვეყნის აღორძინება.

 

პოეზიის გვერდი   • • •  პოეზია - იოსებ გრიშაშვილი  • • •   იოსებ გრიშაშვილის პოეზია

შეიძლება დაგაინტერესოთ

ოჩოპინტრე

გაგაგა



ფდფდფ

ოჩოპინდრე

₾
შეიძინეთ პაკეტი

მიიღეთ შეუზღუდავი წვდომა

ერთი კვირა
3 ლარი
ორი კვირა
5 ლარი
ერთ თვე
7 ლარი

დაამატეთ Aura.Ge

დააჭირეთ:   Share
აირჩიეთ:   Add to Home Screen