|
"რამ შემქმნა ადამიანად, რატომ არ მოველ წვიმადა!“ ვაჟა
ბალახებს თვალები სავსე აქვთ ცრემლებით, მინდორი ირწყვება მოცისფრო მძივებით, ღრუბლები მოჩანან, ვით შორი მდევრები, ვით შურისძიება... თვლემს უცხო ქარებით ნაგვემი სამყარო, ზეციდან, ნაღველი ჩამოდის ფიფქებად, თუ ცოდვილ მიწაზე დაბობღავს აყალო, ეს ვის ეფიქრება?! აქ ყოველ ცისმარე ანთია კანდელი, მიბნედილ სხივებსაც ემტვრევათ წვივები, მოვკვდები? ნუ შიშობთ, არ მინდა სანთელი, ატირეთ წვიმები... |


