კატეგორიები

წერილის გაგზავნა

lock პაროლის შეხსენება
ჯერ არ ხართ რეგისტრირებული?
უკვე ხართ რეგისტრირებული?
210 C
ხუთშაბათი, 19 ნოემბერი 2026 15:09

 

ჭია, ჭიამაია  

ციცქნა, ერთი ციდა,

სველ ბალახზე შეჯდა

ფეხი გაუცივდა.


ავად გახდა ძალიან,

ვინ მკურნალობს?

- კალია.

კიდევ ჭკუით სავსე

ხოჭო ადგას თავზე.


მეგობრები სხვებიც ჰყავს -

ყვავილები თვალჭრელი,

მოუტანეს ნექტარი

საოცნებო საჭმელი.


საწოლის წინ მომვლელთა

რიგი დააწესეს.

უამბობენ ზღაპრებს,

უკითხავენ ლექსებს.

- გადაყლურწე წამალიო:

შეიქმნები ფრთამალიო.


რა ქნას ჭიამაიამ,

ვერ იკარებს წამალს.

- მწარეაო - იძახის, 

ძლიერ გამამწარა!

აღარ მინდა, არაო,

მასმევთ წარამარაო.


უცებ ჭრელი ფუტკარი

საწოლის წინ დაფრინდა,

ჭიას ფიჭა მიართვა

გატენილი თაფლითა.

თქვა: - მოგისწარ სულზეო,

თაფლით გადაყლურწეო.


ღამით ციცინათელა

ლამპარივით აენთო

მიაშუქა ექიმებს

- კარგად მოუარეთო.


არ მოაკლო კალიამ

კომპრესები  სველსველი

ჭიანჭველამ  ღიღინით

გაუკეთა ნემსები.


ხოჭოს როდი მოსწყინდა

თერმომეტრის სინჯვა,

- ერთხელ კიდევ ვნახოთო! -

ასჯერა თქვა დინჯად.


მთელი ღამე წამლები

თაფლთან ერთად აყლაპეს.

მერე ჭრიჭინობელამ

გამოუჭრა საკაბე.


ზღარბი კერვას შეუდგა,

დრო უქმად არ დაკარგა.

ბოლოს ნემსიყლაპიამ

აქარგა და ჩაქარგა.


დილით როცა ცხრათვალა

მზემ სარკმლიდან ინათა,

ფრთაფარფატა პეპელამ

ჭიას კაბა მიართვა.


მიართვა და ბავშვებო

რომ იცოდეთ რა მოხდა...

ჩვენი ჭიამაია

უცებ ფეხზე წამოხტა.

 

პოეზიის გვერდი   • • •   პოეზია - გივი ჭიჭინაძე  • • •   გივი ჭიჭინაძის პოეზია

შეიძლება დაგაინტერესოთ

ოჩოპინტრე

გაგაგა



ფდფდფ

ოჩოპინდრე

₾
შეიძინეთ პაკეტი

მიიღეთ შეუზღუდავი წვდომა

ერთი კვირა
3 ლარი
ორი კვირა
5 ლარი
ერთ თვე
7 ლარი

დაამატეთ Aura.Ge

დააჭირეთ:   Share
აირჩიეთ:   Add to Home Screen