კატეგორიები

წერილის გაგზავნა

lock პაროლის შეხსენება
ჯერ არ ხართ რეგისტრირებული?
უკვე ხართ რეგისტრირებული?
210 C
ოთხშაბათი, 18 ნოემბერი 2026 23:06

 

ღამის უფსკრული მეც მიჭრია მღელვარე ფიქრით

და ზეცას ხარბად შეპყრობია ჩემი თვალები,

რომ თვით სიკვდილის და სიცოცხლის საზღვრების იქით

გადამეწია ეს ოცნება განაწვალები!


როგორც ფრინველი, დაფრთხობილი ზამთრის ღამეში,

ასკდება ფანჯრებს განათებულს და ძირს ვარდება, -

ისევე ჩემი განწირული სულის თარეში

ფრთებ დამსხვრეული სიმაღლიდან ძირს მოქანდება!

 

როცა სიჩუმე გაიშლება ხავერდის ფრთებით

და დროს ჩამოთვლემს მდუმარების ნისლიან გზებზე -

ადამიანო, რას დაეძებ, და რისთვის კრთები?!

რათ გტანჯავს ფიქრი სიცოცხლეზე და ვარსკვლავებზე?


იყავი ისე, როგორც მთაში ყვავილი არის!

იყავ ფუტკარი, რომ ითვრება ყვავილის წვენით!

მზის ელვარება და ნათება ღამეში მთვარის

რომ შენში ერთად მეტყველებდენ უბრალო ენით!


იყავ ტოროლა აფრენილი ზაფხულის დილით,

და ნუ გაშინებს, რომ ახლოა წყვდიადი ღამის!..

ო, თვით სამყაროც, ვით ყვავილის მსუბუქი ჩრდილი,

მხოლოდ და მხოლოდ სიზმარია და სუნთქვა წამის!

 

პოეზიის გვერდი   • • •   პოეზია - კოლაუ ნადირაძე  • • •   კოლაუ ნადირაძის პოეზია

შეიძლება დაგაინტერესოთ

ოჩოპინტრე

გაგაგა



ფდფდფ

ოჩოპინდრე

₾
შეიძინეთ პაკეტი

მიიღეთ შეუზღუდავი წვდომა

ერთი კვირა
3 ლარი
ორი კვირა
5 ლარი
ერთ თვე
7 ლარი

დაამატეთ Aura.Ge

დააჭირეთ:   Share
აირჩიეთ:   Add to Home Screen