|
ფოთოლცვენის ხმა, მჭკნარი წლები, წლები ცვენადი, სადა ხარ, ჩემო ოცნებაო, საით წახველი, - ბზა და ძახველი, ისლის სახლი, გზა საძრახველი, ძველი ეზო და აჩეხილი ჩვენი ვენახი.
და გზისპირ - სახლის შეფარული, ჩუმი ნაღველი, მაჭრის ღუღუნი, მთვრალი ჭინკა და საწნახელი და კიდევ - ჩრდილში მომლოდინე სხვა ფათერაკი.
ხედავ - ძილის წინ ყველაფერი როგორ მკრთალდება და რა სიცხადით იკვეთება სულ სხვა კონტური?!
მაგრამ ქარს მოაქვს ღამეების ბნელმეტყველება და ბგერა - ჩუმი, უჩვეულო და ჩიქორთული... |


