კატეგორიები

წერილის გაგზავნა

lock პაროლის შეხსენება
ჯერ არ ხართ რეგისტრირებული?
უკვე ხართ რეგისტრირებული?
210 C
ხუთშაბათი, 19 ნოემბერი 2026 02:15

 

გიორგი ლეონიძეს

 

უხნიერესო! დროთა დროებამ

ეკლით შემოსა შენი თავანი.

დღეს აირჩიე განმარტოება

ისე, ვით პოზა ამპარტავანი.


შენ გეზმანება ძველი დღეები

და ძილში უსმენ ბრწყინვალე არაკს,

როს დედოფლები და მეფეები

წარჩინებულო! გწირავდენ ზვარაკს.


შენ გეზმანება სულ სხვა წირვები

აბჯარასხმული ჯარების შეხლა

და სარკინოზნი გასაკვირვები

დადუმებულნი მიწაში ეხლა.


შენ გეზმანება თვითონ თამარი

და მშვენიერი მისი ამალა.

ო, ვინ გასთხარა ჩვენი სამარე

და შენი სახე ვინ გადამალა?


შენთან მოვედი, ვით მოციქული

გამოგზავნილი ხმაურ ფაზისით.

მცირე მსახურად მაინც მიგულე -

ვსცნო შენი სახე უძვირფასესი!


მე ცისფერ ყვავილს არ შეგადარებ.

უსპეტაკესი ხარ საფირონი.

დროთა იარებს მუდამ ატარებ,

მაგრამ ტკბილია შენი მირონი.


ცრუ მსოფლიოში ბევრი ვიარე

და ვერსად ვპოვე მე დამშვიდება.

შეუდრეკელო! მეც მაზიარე

შენს მარადიულ ციურ დიდებას!

 

პოეზიის გვერდი • • •   პოეზია - ვალერიან გაფრინდაშვილი  • • • ვალერიან გაფრინდაშვილის პოეზია

შეიძლება დაგაინტერესოთ

ოჩოპინტრე

გაგაგა



ფდფდფ

ოჩოპინდრე

₾
შეიძინეთ პაკეტი

მიიღეთ შეუზღუდავი წვდომა

ერთი კვირა
3 ლარი
ორი კვირა
5 ლარი
ერთ თვე
7 ლარი

დაამატეთ Aura.Ge

დააჭირეთ:   Share
აირჩიეთ:   Add to Home Screen