კატეგორიები

წერილის გაგზავნა

lock პაროლის შეხსენება
ჯერ არ ხართ რეგისტრირებული?
უკვე ხართ რეგისტრირებული?
210 C
ოთხშაბათი, 18 ნოემბერი 2026 12:17

 

ყველა სიმღერა რასმე გაგონებს,

ყველა სიმღერას თავის წლები აქვს;

ყველა სიმღერა რასმე გაგონებს,

რაც ფიქრს ოდესღაც დავიწყებია.


ზოგში ვარდისთვე არის პირველი

და თან მიჰყვება სული მთავარი,

ან შორეული ქრის თებერვალი

და ფრთას ილეწავს სხვენში ყავარი.


ზოგში იხილავ ძველ წყალდიდობას,

ჩავლილს შენამდი, შენს არყოფნაში.

ზოგში სანთლები ბრწყინავს დიდუბის,

ნახული სიზმრად თუ ბალღობაში.


ზოგში ხან დედის თავსასთუმალი,

ხან გელანდება მამის სამოსი,

ზოგში იელვებს აბასთუმანი

ან შემოდგომა საგურამოსი.


ყველა სიმღერა რასმე გაგონებს,

ყველა სიმღერას თავის წლები აქვს,

ყველა სიმღერა ვისმე გაგონებს,

ვინც გულს ოდესღაც დავიწყებია.


მაგრამ, ძვირფასო, რაც შენ გიპოვნე,

რომ სიცოცხლეში წინ წაგიმძღვარო,

ყველა სიმღერა შენს თავს მაგონებს,

შენ, სიყვარულო დაუვიწყარო!

 

პოეზიის გვერდი   • • •  პოეზია - ირაკლი აბაშიძე  • • •   ირაკლი აბაშიძის პოეზია

შეიძლება დაგაინტერესოთ

ოჩოპინტრე

გაგაგა



ფდფდფ

ოჩოპინდრე

₾
შეიძინეთ პაკეტი

მიიღეთ შეუზღუდავი წვდომა

ერთი კვირა
3 ლარი
ორი კვირა
5 ლარი
ერთ თვე
7 ლარი

დაამატეთ Aura.Ge

დააჭირეთ:   Share
აირჩიეთ:   Add to Home Screen