კატეგორიები

წერილის გაგზავნა

lock პაროლის შეხსენება
ჯერ არ ხართ რეგისტრირებული?
უკვე ხართ რეგისტრირებული?
210 C
პარასკევი, 20 ნოემბერი 2026 14:15

 

როგორცა ყრიან, ისევე ვტოვებ

არ წავაფარებ არაფერს არვის,

დაფნისა მხოლოდ

ეს ერთი რტოა

და ორი ფოთლით

ვერ შესცვლი ამინდს.


როგორ ფუთფუთებს

მდედრების ხროვა,

აქ ვერც სხეულებს გაარჩევ მამრის,

ხედავ - უფალო!

უფალო დროა

და არა კმარა დღეს მხოლოდ ამინ!


შერყეულია სამყაროს ჭერი,

გამოეშალა ლიბო საძირკველს,

ცა არის ისევ ტკივილისფერი,

მე უდროო დროს გამომაღვიძეს.


ყრუა ყოველი,

არ სუნთქავს არვინ,

გაუჩნდა ბზარი თაღს გაუბზარავს,

მე ვგრძნობ, უფალო,

მხოლოდ ხრწნა გვამის

არ გადაგვარჩენს არა და არა.


როგორ ვგრძნობ სამყაროების დრეკას,

წარწყმდება ყველა

იქეთ და აქეთ,

ვერ გადაარჩენს ზარების რეკვა

ჩამონგრეული ტაძრის გუმბათებს.


ვლოცულობ -

მაგრამ ტონია ყალბი,

არ ეკიდება ამ ლოცვას ცეცხლი.

ჟამი კი გადის,

ო, ჟამი გადის

და შემზარავად ჩხრიალებს ვერცხლი.


როგორცა ყრიან,

ისევე ვტოვებ,

არ წავაფარებ არაფერს არვის -

დაფნისა მხოლოდ

ეს ერთი რტოა

და ორი ფოთლით

ვერ შესცვლი ამინდს.


პოეზიის გვერდი   • • •   პოეზია - ტარიელ ხარხელაური  • • •   ტარიელ ხარხელაურის პოეზია

შეიძლება დაგაინტერესოთ

ოჩოპინტრე

გაგაგა



ფდფდფ

ოჩოპინდრე

₾
შეიძინეთ პაკეტი

მიიღეთ შეუზღუდავი წვდომა

ერთი კვირა
3 ლარი
ორი კვირა
5 ლარი
ერთ თვე
7 ლარი

დაამატეთ Aura.Ge

დააჭირეთ:   Share
აირჩიეთ:   Add to Home Screen