კატეგორიები

წერილის გაგზავნა

lock პაროლის შეხსენება
ჯერ არ ხართ რეგისტრირებული?
უკვე ხართ რეგისტრირებული?
210 C
ოთხშაბათი, 18 ნოემბერი 2026 16:03

 

 

ახლოს ხარ - თვალს ვერ გიმართავ,

შორით ვუნდები ცქერასა;

ლამის დავკარგო გონება,

გადავყვე გულისძგერასა.


შენ კი მეკრძალვი ბეჩავსა,

როგორც წიწილა ძერასა...

შენს ღმერთს მიჰმადლე!.. დაუგდე,

ყური გლახ-ყურის ძგერასა.


ნუ გამხდი ნაცარქექიად,

ნუ დამსვამ ცივსა კერასა;

ზედ ნუ დამაყრი ნაცარსა...

მიხშირებ გულის ძგერასა.


ნუ მაწყევლინებ გაჩენას,

სიცოცხლეს, ბედისწერასა!..

თანგრძნობა უნდა მალამოდ

სნეული გულის ძგერასა!..


ქვეყნის მკურნალნი შევჰყარე,

მაგრამ ვერ მიხვდნენ ვერასა:

სხვა და სხვა მიზეზს ადებენ

ამ ჩემი გულის ძგერასა.


აღელვებასა, მიშლიდნენ

სიცილს ტირილს და მღერასა;

მაგრამ ვერ არგო ვერც ერთმა

შენახულ გულისძგერასა!


ყური დავუგდე მაშინ მე

ჩემი სიმების ჟღერასა

და თვითვე მივხვდი რაც იწვევს

ამ ჩემი გულის ძგერასა:


ბრალი არა აქვს ლამაზ ქალს

შავგრემანს, არცა ქერასა!

მარტო შენა ხარ მიზეზი!

მიხშირებ გულის ძგერასა.


მიტომ რომ თვალს ვერ გიმართავ,

შორით ვუნდები ცქერასა!..

ლამის დავკარგო გონება,

გადავჰყვე გულის ძგერასა.

 

პოეზიის გვერდი   • • •     • • •   აკაკი წერეთლის პოეზია/პროზა

შეიძლება დაგაინტერესოთ

ოჩოპინტრე

გაგაგა



ფდფდფ

ოჩოპინდრე

₾
შეიძინეთ პაკეტი

მიიღეთ შეუზღუდავი წვდომა

ერთი კვირა
3 ლარი
ორი კვირა
5 ლარი
ერთ თვე
7 ლარი

დაამატეთ Aura.Ge

დააჭირეთ:   Share
აირჩიეთ:   Add to Home Screen