|
ციკლიდან პაციფიზმი
შესდგა ცხენი. მზეზე ბზინვა ბზიფის, ღელვად მისდევს ყვავილების ბიბინს.
მცნობი მუსაიფის, მონადირეც მისდევს ბზიფის კიბეს.
სამოსელი ბზიფის - ხოხობივით მშვენიერი დიბის.
შუა, იმა კიბეს, სდგას ირემი… ხედი ხიბლავს ბზიფის.
ლბილი თივის თიბვის - აი რაა დილა მზიურ ბზიფის.
სულ მწიფეზე მწიფის მსგავსებაა ჩუქურთმები ბზიფის.
ბზიფის სიირიბეს - დოვლათისა, არა სიღარიბის. |


