კატეგორიები

წერილის გაგზავნა

lock პაროლის შეხსენება
ჯერ არ ხართ რეგისტრირებული?
უკვე ხართ რეგისტრირებული?
210 C
ოთხშაბათი, 18 ნოემბერი 2026 14:41

 

 

 

ჯაჭვის რგოლებით ყელგაგუდული

ზღვა გაწოლილა ქვებზე და შფოთავს.

აფრების ჩრდილი, როგორც ურდული,

ადევს ფიქრსა და მოწყენილ ოთახს.


და მძიმედ სუნთქავს ზღვა გადაშლილი,

ფანჯრის რაფაზე თვლემს ჭრელი კატა,

და თეთრ კედელზე ბიჭი ნახშირით

ცერებზე შემდგარ გოგონას ხატავს.


პირველი ტრფობა, პირველი ეჭვი

ამ ქვის კედელზე სურს რომ დატიოს,

რას ფიქრობს ნეტავ პატარა ბიჭი

გადაცრეცილი ვით ბურატინო.


გოგონა უმზერს ზღვას და თოლიებს,

თითქოს უღიმის უცნაურ ამინდს

და გრძნობს - ზღვა მალე გადაიყოლებს

მის სასაცილო მიჯნურს და რაინდს.


ასე შემკრთალი, ფეხის წვერებზე

შემდგარი გოგო - ფიქრში გართული

ჩნდება ქალაქის სოველ კედლებზე

ბავშვის გულიდან გადახატული.


და მძიმედ სუნთქავს ზღვა გადაშლილი,

ისიც პირველად ხედავდეს იქნებ

ასე უბრალოდ - ქვით და ნახშირით

შექმნილ იმედებს, რწმენას და ფიქრებს.


პოეზიის გვერდი   • • •   პოეზია - თამაზ ჭილაძე  • • •   თამაზ ჭილაძის პოეზია

შეიძლება დაგაინტერესოთ

ოჩოპინტრე

გაგაგა



ფდფდფ

ოჩოპინდრე

₾
შეიძინეთ პაკეტი

მიიღეთ შეუზღუდავი წვდომა

ერთი კვირა
3 ლარი
ორი კვირა
5 ლარი
ერთ თვე
7 ლარი

დაამატეთ Aura.Ge

დააჭირეთ:   Share
აირჩიეთ:   Add to Home Screen