სიტყვის მნიშვნელობა შეიძლება განსხვავებული იყოს სხვადასხვა წინადადებაში. მაგალითად, მ თ ა, ცალკე აღებული, დედამიწის ამაღლებულ ადგილს აღნიშნავს, მაგრამ წინადადებაში იგი შეიძლება სხვა მნიშვნელობით იქნეს ნახმარი: ზეზე წამოდგა ერთი მ თ ა კ ა ც ი. (დად.).
მთა ამ წინადადებაში მნიშვნელობით იგივეა, რაც ვ ე ე ბ ა, ძ ა ლ ი ა ნ დ ი დ ი.
"ვახტანგმა ბორჯომი დალია“: „ბორჯომი“ აქ სამკურნალო წყალს აღნიშნავს.
„ვახტანგმა ბორჯომი დაათვალიერა": „ბორჯომი“ აქ კურორტის სახელწოდებაა.
სავარჯიშო 1. წაიკითხეთ მაგალითები და გამოარკვიეთ, დაყოფით დაბეჭდილი სიტყვები რა და რა მნიშვნელობით არის ნახმარი სხვადასხვა წინადადებაში,
ა) 1. სხვისი ხელით ნ ა რ ს ნუ მოგლეჯ, ეკლიანი ბალახია (ხალხ.),
2. ნ ა რ ს ქართულ ანბანში მე-13 ადგილი უკავია.
ბ) 1. ბრწყინვალე მ ზ ე მ ამოაშუქა. (გოგ.)
2. თოვლი მ ზ ე ზ ე სპეტაკად ბრწყინავდა, (რაზ.).
გ) 1. თუ კ ა ც ს ა ცოდნა არა აქვს, გასტანჯავს წუთისოფელი. (დ. გურ).
2. ქალი, კ ა ც ი, გოგო, ბიჭი ეზიდება ზამთრის სარჩოს. (ერ.).
სავარჯიშო 2. ქვემოთ დასახელებული სიტყვები იხმარეთ სხვადასხვა მნიშვნელობით.
1. ბარი. 2. თვალი. 3. ხელი. 4. ენა,


