კატეგორიები

წერილის გაგზავნა

lock პაროლის შეხსენება
ჯერ არ ხართ რეგისტრირებული?
უკვე ხართ რეგისტრირებული?
210 C
ოთხშაბათი, 18 ნოემბერი 2026 07:07

 

ა

აღმართი ავვლე, აღვენთე

არსად არნახულ ალითა, -

არეს ამკობდა არმური,

ანარნარებდა არნითა.

ბ

 

ბარად ბნელოდა ბუერი

ბრუნავდა. ბნედდა ბორასა,

ბაძავდა ბინდის ბრიალი

ბევრისა ბორბლის ბრბოლასა.

გ

 

გარსნი განიხვნენ, გავხედე,

გოდოლებს გავსილს განძითა,

გავვოცდი, განვდექ, გავხევდი

გარდასულ გმირთა განცდითა.

დ

 

დავეყუდე და დავთვალე

დოვლათის დიდი დარაჯა

დავჯექ დავწერე დავთარი

დავთქვი, - დავუდექ დარაჯად.

ე

 

ერთგულთა, ერისერთათა,

ერისთვის ეხნათ, ეთესათ,

ეგრე ეძალნათ ერთადა -

ერთს ეყოფოდა ედემსა!

ვ

 

ვინაც ვის ვარგოთ, ვიცოდეთ

ვისით ვრგებთ, ვხარჯავთ ვისასა?

ვის ვეძმოთ, ვისთვის ვიწოდეთ,

ვინ ვის ვუხდიდეთ ვის ვალსა!

ზ

 

ზედაზნით ზვერავს ზეთაზეს,

ზეიმით, ზოგჯერ ზარითა...

ზმანებით ზვირთი ზედაზედ

ზმასა ზრდის ზვავ ზანზარითა.

თ

 

თვის თავთან თევით თნებული,

თვით თაობს თავის თრობასა;

თენდება - თვალით თრობილით

თვლის თაობათა თმობასა.

ი

 

იცვლება, ისევ იალებს,

ისევე ისხამს იარაღს,

ისევე იჩენს იარებს,

ისევე ირჩენს იარას.

კ

 

კლდე კარავს კერავს, კარს კიდებს

კირით კრავს კარვის კედელსა!

კეთილს კრეფს. კეთილ კაცს კიდევ,

კეთილზე კიდებს კეთილსა.

ლ

 

ლაღს ლოცავს, ლაჩარს ლახტით ლეწს -

ლანქერათ ლღვება ლეწვითა

ლამს ლექავს, ლამაზ ლერწმის ლერწს

ლერწმადვე ლექსავს ლერწიდან.

მ

 

მე მივალ მასთან, მიმიღებს -

მიმიხმობს, მეტყვის „მოასა”

მომიალერსებს, მომაგებს

მადლსა, მე, მისსა მონასა;

ნ

 

ნუ ნატრობ ნუცა ნადავლსა,

ნუცა ნაბოძებს ნებითა.

ნატრობდე ნერგსა ნამდვილსა

ნაშოვნსა ნანანებითა!

ო

 

ორგული ორსა ოცნებობს,

ორივეს ორპირობასა -

ორის ომს, ორის ოხვრასა,

ორგანვე ობობობასა...

პ

 

პირიანობით პირობით

პირუთვნელ პატივს პოვებდე

პაპათგან პირდაპირობით

პოვნიერებდა პოეტი!

ჟ

 

ჟვავი, ჟვერავდა, ჟამავდა,

ჟოლოსა, ჟოლსა, ჟოლასა...

ჟოჟო ჟურავდა, ჟარავდა,

ჟინსა, ჟრუანტელს, ჟრჟოლასა.

რ

 

რვალი რამ რეკდა, რემანი

რბოდნენ, რანდავდნენ რიდეთა.

რულში როკავდა რამინი -

რეტის რტოს რგავდა რიდითა.

ს

 

სატრფოს სულს სვამდა სნეული

სიყვარულისა სენითა,

სხეულით საროსეულით,

სახითა სევდით სველითა.

ტ

 

ტანჯავდა ტანის ტარება

ტანჯვითა ტკბილზე ტკბილითა

ტუჩისა ტუჩთან ტანება,

ტკენდა ტკივილით ტფილითა.

უ

 

ურცხვად უნდოდა უბირსა

ურიცხვჯერ უშთა უპლება

ურვით უვსებდა უბესა

უტრფესთან უსაუბრობა.

ფ

 

ფლიდნი ფლიდობდნენ, ფიალებს

ფალანგის ფერფლით ფერავდნენ,

ფიქრს ფიქრი ფლეთდა, ფრინავდა

ფანტელი - ფერად- ფერადი.

ქ

 

ქვეყნისა ქარნი ქვენანი

ქრიან ქვემძრომთა ქნარზედა,

ქედს ქვემოთ ქერა ქედანი,

ქვითინებს ქვრივი ქმარზედა.

ღ

 

ღამდება, ღრუბლის ღვედები,

ღობეს ღობავენ ღვთისასა,

ღელე ღიღინებს, ღვინდება.

ღვინოი ღარიბისაცა.

ყ

 

ყორესთან ყვინავს ყავარი

ყარა ყორანის ყინვითა

ყანებზე ყვავის ყამარი

ყოვლის ყადრს ყინავს ყინვითა.

შ

 

შემრისხე! შენგან შენდობა

შემაკრთობს, შემეშინდება...

შვილისა შენის შენობა

შენდება, შალაშინდება.

ჩ

 

ჩამოდი ჩემთან ჩელტებად

ჩავღობავ ჩერო-ჩალასა,

ჩამოჯექ, ჩონგურს ჩამოჰკრავ,

ჩავტირებ ჩემსა ჩარასა.

ც

 

ცალ ცერზე ცეკვავს ცანგალა,

ცხოვრებას ცეხვავს ცერითა,

ცოლს ცრემლი ცვივა, ცარგვალი

ცვდება ცოდვილის ცქერითა.

ძ

 

ძნელია, ძნელზე ძნელია,

ძერკვა ძოძისა ძირისა,

ძაგება ძველი ძოძისა,

ძებნა ძოწისა ძვირისა.

წ

 

წაგახდენს წყევლა-წუწუნი

წინასწარ წეწვა წვერისა,

წამოდექ, წერას წამოჰყევ

წალდის წინ წაწვდილ წვერისას!

ჭ

 

ჭერი ჭრიალებს, ჭირი ჭირს-

ჭალებში ჭკნება ჭილ-ჭვავი;

ჭრაქს ჭვარტლი ჭმუნავს, ჭარი-ჭურს,

ჭას-ჭონჭყი, ჭალაკს ჭინჭარი.

ხ

 

ხარს ხედნი, ხშირსა ხრიოს ხნავ,

ხალისით ხარობ ხვალისა,

ხან ხეირია ხარკის ხდა,

ხანაც ხამს ხმარა ხმალისა.

ჯ

 

ჯერია-ჯავრი ჯანყდება

ჯანღდება, ჯაბნის ჯაბანსა,

ჯვარედად ჯარი ჯარდება,

ჯავრობს ჯვარცმულის ჯაფასა.

ჰ

 

ჰა, ჰუნე! ჰკარი ჰოროლი!

ჰკაფე ჰარამი ჰარმისა!

ჰაეროვნისა ჰორელი

ჰპოვე ჰამბარად ჰავისა.

შეიძლება დაგაინტერესოთ

ოჩოპინტრე

გაგაგა



ფდფდფ

ოჩოპინდრე

₾
შეიძინეთ პაკეტი

მიიღეთ შეუზღუდავი წვდომა

ერთი კვირა
3 ლარი
ორი კვირა
5 ლარი
ერთ თვე
7 ლარი

დაამატეთ Aura.Ge

დააჭირეთ:   Share
აირჩიეთ:   Add to Home Screen