|
ო, არაფერი აღარ მინდა სიკვდილის გარდა, - აფრიალებენ დროშის ნაცვლად სისხლიან ფარდას! ვინაც უმზეო დღეებს ჩემსას ნათელს აფენდა, ვისზე ფიქრშიაც უთვალავჯერ შემომათენდა, ვინც ორბის ფრთების ცაში გაშლას დიდხანს ელოდა - გამოასვენეს დამონებულ საქართველოდან!..
სამშობლოვ ჩემო, საცოდავო ვინ შეგიცოდა - წინ ვინ აღუდგა აღზევებულ კაენის ცოდვას? გიფრიალებენ დროშის ნაცვლად სისხლიან ფარდას... ო, არაფერი აღარ მინდა სიკვდილის გარდა! |
