ვენახის ფართობები თურქეთში რამდენადმე შემცირებულია, რაც აიხსნება ფილოქსერას გავრცელებით, პირველი მსოფლიო ომის პერიოდში პოლიტიკური არამდგრადობით, სოფლის მეურნეობის მცდარი დაგეგმვით ევროპის ბაზარზე მშრალი ღვინოების გაყიდვის საქმეში სხვა ქვეყნების კონკურენციის გამო.
თურქეთის მთავრობა აქტიურად ცდილობს აღადგინოს და აამაღლოს სოფლის მეურნეობის ეს დარგი. სერიოზული ღონისძიებანია დასახული მშრალი ღვინოების სტანდარტიზაციისათვის. მეღვინეობის მთავარი რაიონებია იზმირი და მანისი, სადაც უმთავრესად გაშენებულია “სულთანის” ჯიშის ვაზი.
ევროპელებს უდავოდ მოსწონდათ ყურძნის ამ ჯიშისაგან დამზადებული ღვინოები. თურქმა სპეციალისტებმა სწორედ ამიტომ მიიღეს გადაწყვეტილება, რაც შეიძლება მოკლე დროში დიდი რაოდენობით გააშენონ ეს ჯიში და დიდი რაოდენობით აწარმოონ მშრალი ღვინოების ექსპორტირება.
