კატეგორიები

წერილის გაგზავნა

lock პაროლის შეხსენება
ჯერ არ ხართ რეგისტრირებული?
უკვე ხართ რეგისტრირებული?
210 C
ხუთშაბათი, 19 ნოემბერი 2026 07:34

 

იყო ერთი უშვილო კაცი. ერთხელ გზაზე მიდიოდა და ერთი ლამაზი თაგვი ნახა. კაცმა ინატრა: ნეტავი ეს თაგვი ქალად იქცეს, - შინ წავიყვან და შვილივით გავზრდიო.

აუსრულდა ნატვრა, იქცა თაგვი ქალად, წამოიყვანა კაცმა სახლში და შვილივით გაზარდა.

როცა ქალი სრულწლოვანი შეიქნა, კაცმა გათხოვება დაუპირა და ჰკითხა: ვის მიგცეო?

ქალმა უთხრა: ისეთ ვინმეს მიმეცი, იმაზე ღონიერი არავინ იყოსო. კაცი წავიდა მზესთან და უთხრა: ყველას ათბობ და ანათებ, ყველაზე ღონიერი ხარ, ჩემი ქალი უნდა შეგრთოო.

მზემ უთხრა: ჩემზე ღონიერი ღრუბელია, გადამეფარება და სულ დამფარავს ხოლმეო.

წავიდა კაცი ახლა ღრუბელთან: ყველაზე ღონიერი ყოფილხარ, შენ უნდა ითხოვო ჩემი ქალიო.

ღრუბელმა უთხრა: ჩემზედ ღონიერი ქარია, წამომიბერავს და სულ დამფანტავს ხოლმეო.

წავიდა კაცი ქართან: ქარო, ყველაზე ღონიერი ყოფილხარ, შენ უნდა ითხოვო ჩემი ქალიო.

ქარმა უთხრა: ჩემზე ღონიერი კლდეა, ხან აქედან ვუბერავ, ხან იქიდან, მაგრამ ვერას ვაკლებო.

წავიდა კაცი კლდესთან: ყველაზედ ღონიერი ყოფილხარ, შენ უნდა შეირთო ჩემი ქალიო.

კლდემ უთხრა: ჩემზე ღონიერი თაგვია, ძირს მითხრის და მანგრევსო.

დაბრუნდა კაცი შინ და უთხრა თავის ქალს: ყველაზედ ღონიერი თაგვი ყოფილა, იმას უნდა მიგცეო.

კარგიო, უთხრა სიხარულით ქალმა და მითხოვდა თაგვს.

შეიძლება დაგაინტერესოთ

ოჩოპინტრე

გაგაგა



ფდფდფ

ოჩოპინდრე

₾
შეიძინეთ პაკეტი

მიიღეთ შეუზღუდავი წვდომა

ერთი კვირა
3 ლარი
ორი კვირა
5 ლარი
ერთ თვე
7 ლარი

დაამატეთ Aura.Ge

დააჭირეთ:   Share
აირჩიეთ:   Add to Home Screen