კატეგორიები

წერილის გაგზავნა

lock პაროლის შეხსენება
ჯერ არ ხართ რეგისტრირებული?
უკვე ხართ რეგისტრირებული?
210 C
ოთხშაბათი, 18 ნოემბერი 2026 14:17

 

აგერ ამოდგა აჩრდილი,

აკლდამის კარი გაიღო;

რა ფრიად შეწუხებულა,

ხელში ფრანგული აიღო…

მოჰგვარეს ლურჯი ტაიჭი,

ნალმა ძგრიალი გაიღო.

თვალთაგან ცრემლ-დანადენსა

სისხლი უცინის მკლავზედა,

მაინც არ ტყდება მოხუცი,

ხელი უვლია ხმალზედა;

გასცქერის ტფილისისაკენ,

აღშფოთებული ძალზედა;

იწვება ჩვენი ქალაქი,

ალი შემჯდარა ალზედა.

იქ მიშველება სწადიან,

თავს ესხმის გუნდი მტერისა;

უხმობს იმერთ და ამერთა,

ვისაც თავი აქვს შველისა.

მოუვლენ არაგველები, -

გულ-გადალევით ელისა.

სადა ჰყავს შავარდნის გუნდი,

ვაჟკაცნი ლომის ფერანი?

ტახტი დაუწვეს მეფესა,

ქვეყანა ქმნილა ვერანი.

სრულ სისხლით გადაბასრულან

მწვანე ივერთა ველანი.

ფარფაშობს აღა-მაჰმადი,

თამაშობს იმის მერანი.

სადაა ქართველთ ბიჭები,

ვით გასძლონ ამის მზერანი?

- ვაჰმე, სადა და სადღაა,

კრწანისზე გასწყდენ ყველანი.

უხმობს, უწოდებს მხედართა…

დადუმებულან ენანი…

თამარს და ვახტანგს მიართვეს

ტანზედ წყლულების თმენანი.

ვაჰ, რომ მათ შთამაოებას

დაგვეხშო ყურთა სმენანი:

სისხლის დაღვრასთან სწორად გვაჩნს

ქაღალდს ნათითხნი მელანი.

შეიძლება დაგაინტერესოთ

ოჩოპინტრე

გაგაგა



ფდფდფ

ოჩოპინდრე

₾
შეიძინეთ პაკეტი

მიიღეთ შეუზღუდავი წვდომა

ერთი კვირა
3 ლარი
ორი კვირა
5 ლარი
ერთ თვე
7 ლარი

დაამატეთ Aura.Ge

დააჭირეთ:   Share
აირჩიეთ:   Add to Home Screen