კატეგორიები

წერილის გაგზავნა

lock პაროლის შეხსენება
ჯერ არ ხართ რეგისტრირებული?
უკვე ხართ რეგისტრირებული?
210 C
ხუთშაბათი, 19 ნოემბერი 2026 15:10

 

როდესაც გული შფოთავს და ღელავს,

ჩვენ ვემსგავსებით მეომრებს უცებ.

მამული ითხოვს იმგვარ სიმღერას,

მაჯა რომ აქვს და გული რომ უცემს.


ჩვენი გულების ძაფიც მანახვეთ,

მისი სიმაგრის მინდა გაგება.

მე ბალახებში ვეძებ ბალახებს,

ვინმეს წამლად რომ გამოგადგებათ.


დავალ წვიმაში და დავალ ქარში,

დავალ და კეთილ ფიქრებსა ვლოცავ.

ხელს გამოგიწვდი მე მხოლოდ მაშინ,

წამოგაყენებ წაქცეულს როცა.


იმის ავ-კარგს კი ნურავინ მკითხავს,

ვინც ერთ თბილ სიტყვას ძვირად იმეტებს.

სიტყვებში ვეძებ იმდაგვარ სიტყვას,

უიმედოს რომ მოჰგვრის იმედებს.


მზე გადმოღვარეთ აკვნების გულზე,

მე მათში უკვდავ სიცოცხლეს ვხედავ.

მაგრამ იმ აკვანს სხვაგვარად ვუმზერ,

სხვა რომ არწევს და ვერ არწევს დედა.


ბაღნარში ფეხი აუდგამს ნიავს,

თეთრი ვარდები დაუკოცნია.

მე ვარდზე ადრე შევამჩნევ იას,

რადგანაც ია უფრო მორცხვია.


ერთმანეთისთვის ვშობილვართ თვითონ,

შურის და მტრობის ვინ მოგვცა ნება?

მე ვიცი, მზესაც აკლდება სითბო,

როდესაც მინდვრად ყაყაჩო ჭკნება.


მხოლოდ სიკეთის მარცვალსა ვთესავ

და ქვეყნად არვის ვედიდგულები.

მე ვიცი, თვითონ ოკეანესაც

რაღაცა მართებს ნაკადულების.


წინაპრის წმინდა ნაკვალევს ვკოცნით

და ჩვენ ყველანი ვგავართ მეომრებს.

მინდა ვიცოცხლო იმგვარ სიცოცხლით,

რომელსაც ვინმე გაიმეორებს.

შეიძლება დაგაინტერესოთ

ოჩოპინტრე

გაგაგა



ფდფდფ

ოჩოპინდრე

₾
შეიძინეთ პაკეტი

მიიღეთ შეუზღუდავი წვდომა

ერთი კვირა
3 ლარი
ორი კვირა
5 ლარი
ერთ თვე
7 ლარი

დაამატეთ Aura.Ge

დააჭირეთ:   Share
აირჩიეთ:   Add to Home Screen