კატეგორიები

წერილის გაგზავნა

lock პაროლის შეხსენება
ჯერ არ ხართ რეგისტრირებული?
უკვე ხართ რეგისტრირებული?
210 C
ხუთშაბათი, 19 ნოემბერი 2026 13:17

 

ძნელია გულის დაიარება

და მარტოობის ფიქრში დაძირვა:

ვით ლანდი, ობლად დაიარები

და კვალში დაგდევს ბედის დაცინვა!


იგონებ წარსულს, სიზმრად გაფრენილს,

აწმყოს მოწყენილს და უფერადოს,

და ხედავ ეკლებს, ფეხთ ქვეშ გაფენილს.

ვით ჯარს გაქცეულს და უბელადოს.


ის რაც გიყვარდა და მოელოდი,

გენატრებოდა, ვით ბნელში, სხივი,

ისევ შორს არის და შენ კი ლოდი 

გიახლოვდება საფლავის, ცივი.


და გრძნობ: ყველა გზა გადაჭრილია.

არა გაქვს არსად ნავთსაყუდარი.

შენ კი ნუგეში, ვით მზე, გჭირია:

და ხელებს ცისკენ იწვდი მუქარით.


ცივი დუმილი. მხოლოდ ვარსკვლავნი

დაციმციმებენ ოქროს თვალებად:

და, ლოცვის ნაცვლად წყევლას აგზავნი.

და ტანში რისხვა გივლის ქარებად.


და ვით მწუხრისას შავი ყორანი,

წამოფუყული სადმე კლდის თავზე,

დაგჩხავის სევდა და ვით ბორანი,

ქანაობ მუდამ ცრემლების ზღვაზე.


ძნელია გულის დაზიანება

და მარტოობის ფიქრთა თარეში:

სული შავ ფიქრებს ეზიარება

და რბიან დღენი სიმწუხარეში!

 

პოეზიის გვერდი   • • •   პოეზია - ვარლამ რუხაძე  • • •   ვარლამ რუხაძის პოეზია

შეიძლება დაგაინტერესოთ

ოჩოპინტრე

გაგაგა



ფდფდფ

ოჩოპინდრე

₾
შეიძინეთ პაკეტი

მიიღეთ შეუზღუდავი წვდომა

ერთი კვირა
3 ლარი
ორი კვირა
5 ლარი
ერთ თვე
7 ლარი

დაამატეთ Aura.Ge

დააჭირეთ:   Share
აირჩიეთ:   Add to Home Screen