|
ჩემთვის რა არის ახალი კაცი? დამშვენებული კაცური ღვაწლით, რომ ვერ ადრიან ახალ ცოცხს კაცნი... ურომლისოდაც სიცოცხლე არც ღირს! ახალი კაცი - ახალი სახლი, ახალი სკოლა, ახალი ბაღი, გახარებული ათასი ბალღით, ურომლისოდაც სიცოცხლე არ ღირს, ურომლისოდაც სიმღერაც არ ღირს შეიცნობ ახალ ქუჩად და ხიდად კაცს, რომლის მაჯას სიახლე შვენის, სამაგალითოდ - ფერფლიდან, მტვრიდან მკვდრეთით აღმდგარი უბნები ჩვენი: ახალი ძეგლი, ახალი ნერგი - ბებერი სული მუხის და მერქნის გაცხადებული დღეის სიახლედ, ყმაწვილი ფრთებით სივრცეს მიარღვევს და თან იმ ზარის წკრიალიც ახლავს, თითქოს ამ ბაღშიც რომ ისმის ახლა. ახალი კაცი - ახალი სახლი, ახალი სკოლა, ახალი ბაღი, ეს ხომ ახალი საქართველოა, ურომლისოდაც სიცოცხლე არ ღირს და მითუმეტეს სიმღერაც არ ღირს! |


