|
რა ჯადოქრობამ შესძრა პირველად სული კაცისა - სიმღერის ფესვი? მზემ, გაზაფხულმა, სევდამ, ფრინველმა აღმოაჩინეს მის ფსკერზე ლექსი.
ცის კაბადონზე რომ არ ჰყავს მწყემსი, ქარმა, ზღვიდან რომ წამოუბერა, - ააშრიალეს გრიგალში ლექსი.
მდუღარე ლოცვამ, ცასაც რომ ესმის, აღთქმამ, იმედმა, მონანიებამ, - ჩირაღდანივით აანთეს ლექსი.
რომელსაც ჰქვია სიკეთის თესლი, ბულბულთა სტვენამ და დედაენამ, - ერთად გვაჩუქეს უკვდავი ლექსი. |


