|
მადლს სხივის ფრთები ასხია სინათლედ დაფრენს გარშემო, სურს ანგელოზის სახიანს ოქროს კოშკები აშენოს.
თავზე წყალობად დაგვნათის, გულმოწყალე და თამამი, კარდაკარ დადის თვალნათლივ.
შენს ფეხს, ფეხის ხმას აუწყობს. გაგკურნავს სისხლად დადენილს, არ დაგაყვედრის წყალს უწყლოს.
შენთან გაჩნდება მაშინვე, გადაგიყაროს ნაღველი გიშეღავათოს რაშიმე.
მზე აღარ მოგწვდეს დაბოღმილს, არ შეტრიალდეს უკუღმა, გამოგიყვანოს გამოღმივ.
სინათლედ ფრინავს გარშემო, სურს ანგელოზის ფრთებიანს მხოლოდ სიკეთე აშენოს! |


