კატეგორიები

წერილის გაგზავნა

lock პაროლის შეხსენება
ჯერ არ ხართ რეგისტრირებული?
უკვე ხართ რეგისტრირებული?
210 C
პარასკევი, 20 ნოემბერი 2026 01:20

 

 

მაღალ სართულში როიალის ხმას

აჰყვა ქალის ხმა მშვიდი და ნელი...

მივჰყავარ ფიქრებს... აგერ ქვითინით

მისწყდა აკორდი უკანასკნელი.


იგივ სიჩუმე მეფობს ქუჩაში,

დაჰქრის, სისინებს ნიავი გრილი,

ცაცხვი ირხევა მთვარის ნათელით

მოთეთრებული და მოვერცხლილი.


რას ვეძებ ნეტა ამ ხეტიალში?

ბედნიერებას? ოჰ, არა, არა!

სიყვარულს? - განა ამ სიყვარულმა

მე ოცნება არ დამისამარა? -


მე საფლავს ვეძებ, რომ დამიამოს

და დამავიწყოს გულის ღრმა წყლული,

ეს კი არ არის ბედნიერება,

არც მეგობრობა, არც სიყვარული.


მწარე ნაღველი დაგუბდა გულში,

სიცოცხლის ძგერა იდუმლად ჰქრება,

მის დავიწყებას დავეძებ მარად,

და არსად არის ეგ დავიწყება.


ისევ სიჩუმე მეფობს ქუჩაში...

დაჰქრის, სისინებს ნიავი გრილი,

ცაცხვი ირხევა მთვარის ნათელით

მოთეთრებული და მოვერცხლილი!

 

პოეზიის გვერდი   • • •     • • •   გალაკტიონ ტაბიძის პოეზია

შეიძლება დაგაინტერესოთ

ოჩოპინტრე

გაგაგა



ფდფდფ

ოჩოპინდრე

₾
შეიძინეთ პაკეტი

მიიღეთ შეუზღუდავი წვდომა

ერთი კვირა
3 ლარი
ორი კვირა
5 ლარი
ერთ თვე
7 ლარი

დაამატეთ Aura.Ge

დააჭირეთ:   Share
აირჩიეთ:   Add to Home Screen