|
არვინ დაგაცლის, რომ შენს გემოზე განვლო, რაც გერგო ბედად ბილიკი: - თქვენ მარტოობა გაწუხებთ ალბათ… - არა, პირიქით.
ვინმე ბრიყვი ან ვინმე ცინიკი: - ამაოება გაფიქრებთ ალბათ… - არა, პირიქით.
თითქო გერგოო ბედში წილის ყრით: - ხომ არ შეგვესვა ერთად რაიმე?.. - არა, პირიქით.
და აღმართულა პალმა - ფინიკი: - თქვენ ეგზოტიკა ხომ არ გიტაცებთ? - არა, პირიქით.
მყის მზად არიან მწარე ქილიკით: - თქვენ ასე გქონდათ ჩაფიქრებული? - არა, პირიქით.
ჩაგჩურჩულებენ ყურში ტკბილი ხმით: - არ გაგიწყრეთო, ბატონო, ღმერთი… - არა, პირიქით. |


