კატეგორიები

წერილის გაგზავნა

lock პაროლის შეხსენება
ჯერ არ ხართ რეგისტრირებული?
უკვე ხართ რეგისტრირებული?
210 C
ოთხშაბათი, 18 ნოემბერი 2026 12:46

 

დოზები გადავამოწმე და, რაკი მაინც მაციებს, 

ფსალმუნებივით ვკითხულობ წამლების ანოტაციებს. 

და, რაკი არ მოეწონა ჩემი პულსი და მიმიკა, 

ცნობილმა ტრავმატოლოგმა გამომიწერა „ლირიკა“, 

რომელსაც იმათ ენაზე რქმევია – პრეგაბალინი, 

და, ვიდრე დამჭირდებოდეს ჟანგბადის მინი-ბალონი, 

მე უნდა ვუსაყვედურო პრეგაბალინის ნათლიას: 

თქვენმა „ლირიკამ“ დამკრა და ნარკომანივით მათრია. 

ბარემის გამოგეწვიათ ბოდლერი ანდა ხაიამ, 

რომ უფრო გაგვახალისოს ლოთების ოხოხოიამ. 

მე კი, როგორაც გვასწავლის მარტივი გეომეტრია, 

მერჩია, ჩემი სხეული ბოლომდის თვითონ მეთრია, 

რათა მეხილა, რაკიღა გავკიცხე ექიმბაშობა,

ჟამი – სიბერის შემდეგი – ანუ მეორე ბავშვობა. 

ვიხილავ, კარგად გავარჩევ სამიანსა და ორიანს, 

თუ გადავურჩი როგორმე „ლირიკის“ ეიფორიას, 

რომელმაც ისე შემცვალა და ისე გამაამაყა,

რასაც ამ დილით დავწერდი, იმას ვერ დავწერ ამაღამ. 

წავალ და აფთიაქართან ბიჭივით ავიტუზები, 

რომ დამიდგინოს „ლირიკის“ ოპტიმალური დოზები. 

იყო ღარიბი პოეტი, რაინდს აქებდა ნაბდიანს 

და სამიკიტნოს ეძახდა საწყალი კაცის აფთიაქს.

 

პოეზიის გვერდი   • • •  პოეზია - ვახტანგ ჯავახაძე  • • •   ვახტანგ ჯავახაძის პოეზია

შეიძლება დაგაინტერესოთ

ოჩოპინტრე

გაგაგა



ფდფდფ

ოჩოპინდრე

₾
შეიძინეთ პაკეტი

მიიღეთ შეუზღუდავი წვდომა

ერთი კვირა
3 ლარი
ორი კვირა
5 ლარი
ერთ თვე
7 ლარი

დაამატეთ Aura.Ge

დააჭირეთ:   Share
აირჩიეთ:   Add to Home Screen