კატეგორიები

წერილის გაგზავნა

lock პაროლის შეხსენება
ჯერ არ ხართ რეგისტრირებული?
უკვე ხართ რეგისტრირებული?
210 C
ხუთშაბათი, 19 ნოემბერი 2026 13:17

 

დამკარგე, გახელდა ყველაფერი,

ფიქრები ტალღებად აღელდა,

მე ვარ შენი გრძნობის შესაფერი,

ახლა მარტო მოვწევ ამ ღერს და


ვინატრებ - ეგ სახე არ მენახა,

გზებზე შენი მხრებით არ მევლო,

ღამე არასოდეს გამელახა,

მზისთვის მწველი ხელი წამევლო!


მეფიქრა ვიპოვე ჩემი მსგავსი,

ხელებით, თმებით და სურნელით,

დამკარგე, გაიგე ჩემი ფასი

გყავდი და გეგონე სულელი.


თუმც ვკოცნი სხვის ტუჩებს შენს ტუჩებად,

ალმურად ეშვება წარსული.

სხეული მის სხეულს ეურჩება,

შენი საწოლიდან წასული.


მოდი, დამიურვე ის ტკივილი

სხვამ რომ დამაყარა ვნებებად,

მაშინ აღმოხდება სულს კივილი

როცა მამრის ნებას ნებდება!..


დაბრუნდი, რომ ბრბოში არ გეძებო

დაბრუნდი, რომ გითხრა - ახია,

გატყუებ სხვის კოცნას ვერ შევძლებო,

მას ვხატავ შენს უხეშ სახიანს.


არ მინდა ამ სულის გაორება,

ისედაც შლეგი და ხელია!.

სურვილი ბალიშზე გაგორდება,

სხეული შენსავით ცხელია,


არა, არ გელოდი, არა მეთქი,

ანდა ვინ ჩაგთვალა მოსულად,

გული კენტად დამრჩა განახეთქი,

სული - ზნედაცემულ ორსულად…


თურმე ღამე ისე გაილია,

სიზმრის ბოლოშიც არ იყავი,

ცხოვრება ნახევრად გავლილია

რატომ გვასულელებს იმ ყავით,


სადაც დანალექზე ირეცხება

ეგ სახე ურჩი და თავნება,

თითქოს ყინვისაგან ივერცხლება

ის, რაც არასოდეს მთავრდება.


მაინც დავაჭენებ ჩემს სურვილებს

უბელო არაბულს ვენდობი,

დავტოვებ შენს ვნებებს შემუსვრილებს

ნება აღარა მაქვს შენდობის…


მინდა და მოგიჭერ ჩემს მარწუხებს,

მერე სხვანაირად მოგდრეკავ,

მერე კოცნებით ნუ შემაწუხებ

ბოშებს გასართობად მოვრეკავ.


მერე დავივიწყებ სად ვიწყები

ციდან დაეშვება ქორალი

მერე ერთურთში რომ დავიწვებით

თვითონ მიგვატოვებს მორალი…


უარს აღარ გეტყვი, არა-მეთქი

მინდა რომ ჩაგთვალო მოსულად

გული რომ არ დამრჩეს განახეთქი,

სული - ზნედაცემულ ორსულად!


პოეზიის გვერდი   • • •   პოეზია - ნანა ცინცაძე  • • •   ნანა ცინცაძის პოეზია

შეიძლება დაგაინტერესოთ

ოჩოპინტრე

გაგაგა



ფდფდფ

ოჩოპინდრე

₾
შეიძინეთ პაკეტი

მიიღეთ შეუზღუდავი წვდომა

ერთი კვირა
3 ლარი
ორი კვირა
5 ლარი
ერთ თვე
7 ლარი

დაამატეთ Aura.Ge

დააჭირეთ:   Share
აირჩიეთ:   Add to Home Screen