მთარგმნელი: ფილიპე ბერიძე
|
ხალისიანი, მამაცი რაინდი ლაღი, ლამაზი, დღე, ღამე, რა გზით, რა დროს - მოგზაურობდა, მიჰქროდა, საგზლად იმედი მიჰქონდა, ეძებდა ელდორადოს.
დაბერდა, დრომ არ დაინდო. დარდი დაჰყვება ლახვრად, იარა, ბევრი იარა და ელდორადო კი არა, მსგავსიც ვერარა ნახა.
გატეხა უიმედობამ; მგზავრის ლანდს ხედავს ამ დროს; უთხრა: მითხარი, გამოტყდი, სად არის იგი სამოთხე, სად არის ელდორადო?
მთანი მაღალნიც, დაბალნიც. მთანი, მოსილნი ნისლით, იყავი მხნე და მამაცი, თუ გინდა, რომ არ დამარცხდე, პოვნა თუ გინდა მისი. |


