კატეგორიები

წერილის გაგზავნა

lock პაროლის შეხსენება
ჯერ არ ხართ რეგისტრირებული?
უკვე ხართ რეგისტრირებული?
210 C
ოთხშაბათი, 18 ნოემბერი 2026 12:29

 

შავი ჯოჯოხეთის კუპრი ხართ ნახადი,

თხემიდან ტერფამდე ხართ სინდის ახდილი,

გინდათ, რომ სიწმინდეს ნამუსი ახადოთ,

მაგრამ შურისგების გაგტეხავთ მახვილი.


მოდგმას ანდამატურს ჩაზრდიხართ მარწუხად,

გინდათ, რომ უკუსვლით ვიდოდეს სამყარო,

გსურთ, რომ დედამიწა, როგორც ღორმა მუხა,

დედაბუდიანად გეზიდან ათხაროთ.


ეს რა ხვაშიადი ჩაითქვეს ერებმა,

უსისხლოდ გამართეს კაცთა სასაკლაო,

ბოროტს მიეყიდნენ და მეცნიერება

თავად დედამიწის ხდება მესაფლავე.


გონება ეფლობა სიბილწის სკორეში,

ირყვნება ბალღი ჯერაც უმწიფარი,

ისე გადაეშვნენ სოდომის მორევში,

ურცხვი ეროსიც კი თვალზე ხელს იფარებს.


ოდესღაც ჰყვაოდა რწმენის მისტერია,

ჰყვაოდა ბუნებაც, ციერთა ნასახი,

იცოდნენ, ფუტკარი მეუფის მწერია,

რომ თავად ქრისტე არის ვენახი.


დღეს მოწამლულია თაფლი და ღვინო,

ვერ ნახავ ორაგულს არაგვის ტალღებში,

გეენის ქაფმა როდემდე იდინოს,

როდემდე გასტანს გრძნობათ სიუხეშე.


და ამგვარ ყოფას ვინაც იგუებს

და არ აღაშფოთებს სასტიკი პრესი,

სიმტკიცეს წაუღებს აშკარა სიცრუე,

შხამი და ბალღამი გამყიდველ პრესსის.


ჰა, მოიპარება ზვირთებში მორიელი,

საიდან ინთხევა ესოდენ გესლი,

ვაჰ, თუ ჩაიარაზა გზები სულიერი,

ვაჰ, თუ გაიწირა ადამის თესლი.


შავი გეენიის კუპრი ხართ ნახადი,

თხემიდან ტერფამდე ხართ ნამუს ახდილი,

გინდათ, რომ სიწმინდეს ნამუსი ახადოთ,

მაგრამ შურისგების გაგტეხავთ მახვილი.


ძალა არნახული გაგსრისავთ იქავე,

უკვე შეისმინეს ხმა იგი ვედრების

კუშტად გადმოსცქერის სამყაროს მიქაელ

არქისტრატეგოსი ზეციურ მხედრობის.

 

პოეზიის გვერდი   • • •   პოეზია - მერაბ კოსტავა  • • •   მერაბ კოსტავას პოეზია

შეიძლება დაგაინტერესოთ

ოჩოპინტრე

გაგაგა



ფდფდფ

ოჩოპინდრე

₾
შეიძინეთ პაკეტი

მიიღეთ შეუზღუდავი წვდომა

ერთი კვირა
3 ლარი
ორი კვირა
5 ლარი
ერთ თვე
7 ლარი

დაამატეთ Aura.Ge

დააჭირეთ:   Share
აირჩიეთ:   Add to Home Screen